[A:273]phyir/ gter sbas pa dang bod 'bangs thams cad chos la bkod par mdzad pa'i le'u ste bcu drug pa'o// //
bcu bdun/ rgyal po yab yum gyi mdzad pa yongs su rdzogs te/ rang byon bcu gcig zhal gyi thugs kar thim pa'i skor/ oM ma Ni padme hU~M/ lha thugs rje chen po la phyag 'tshal lo/ /thugs rje chen po'i sprul pa chos skyong ba'i rgyal po srong btsan sgam po la/ sras gung srong gung btsan gyis/ nangs par nyi ma shar ba dang dbu rtse'i yang thog tu yab rgyal po chen po la rang gi na bza' la bzhugs gdan byas nas zhal zas mang po drangs/ phyag dang bskor ba mang du byas nas zhu ba 'di skad ces gsol to/ /e ma ho/ sangs rgyas kun gyi phrin las/ /snang ba mtha' yas kyi thugs rje/ /bde ba can gyi pho nya/ /bod 'bangs yongs kyi skyabs gnas/ /bdag cag kun la thugs rjes gzigs pa yi/ /rgyal ba'i sku dang tha mal mjal/ /zab mo'i thugs dgongs snang mod kyang / /chos nyid don gyi thugs rje de/ rgyal ba'i thugs la mi gab par/ gab pa mngon du phyung nas ni/ /rang snang yul med bstan du gsol/ /blo 'das byar med bstan du gsol/ /ma bcos ngang nas bstan nas kyang / /byar med ngang gis gnas pa la/ /sku gsum shugs las 'char ba yi/ /bdag cag blo la sbyar du gsol/ /zhes phyag 'tshal te zhus pa dang / der yab rgyal pos bka' stsal pa/ lha sras chen po nyon cigabadag ni sangs rgyas kun gyi phrin las yin/ /snang ba mtha' yas drung du dam yang bcas/ /byang chub sems kyi bod 'bangs don la 'ong / /nga dang rgyal ba gnyis su med/ /'gro ba nga yi gdul bya yin/ khyed kun 'phags pa'i byin