[A:284] rab byung btsun pa mang po dang / /sangs rgyas bstan pa dar bar 'gyur/ /zhes gsungs te byams pa'i ting nge 'dzin la bzhugs so/ /'di dag ni zur tsam yin gyis/ ma 'ongs lung bstan gyi zhal gdams rgyas par jo bo rjes gter nas thon pa'i ka khol ma che ba na gsal lo/ /de nas dar cig lon pa na/ rgyal po'i zhal nas nga'i phyi nang gi blon po bod 'bangs rnams nga rgyal po srong btsan sgam po dang mjal bar 'dod do zer du 'ong gi nga dang 'phrad par 'dod na 'phags pa spyan ras gzigs la gsol ba thob cig nga dang 'phrad pa dang khyad med do gsungs so/ /yang bal mo bza' khri btsun gyis kyang / zhal phyir log mdzad nas/ bod 'bangs blo nye ba rnams nga bal mo bza' khri btsun dang mjal bar 'dod do zer du 'ong gi nga dang 'phrad par 'dod na jo mo khro gnyer can la gsol ba thob cig nga dang 'phrad pa dang khyad med do gsungs so/ /yang rgya mo kong jo zhal phyir log mdzad nas/ bod 'bangs nga la zhen che zhing dga' ba rnams la/ rgya mo kong jo dang mjal bar 'dod do zer du 'ong gi nga dang 'phrad par 'dod na rje btsun sgrol ma la gsol ba thob cig nga dang 'phrad pa dang khyad med do gsungs so/ /der blon po mgar gyis rgyal po chen po 'di tsam pa'i zhal gdams gsungs pa yab yum gsum gar 'byon zhus pas/ nged gsum po thag ring du mi 'gro gsungs te/ rgyal po yar la bzhengs nas/ phyag g.yas pa bal mo bza' khri btsun la reg pas/ khri btsun me tog utpal dkar po zhig tu gyur nas/ rgyal po'i sku phrag g.yas su thim mo/ /phyag g.yon rgya mo kong jo la reg pas/ kong jo me tog utpal sngon po zhig tu gyur nas/ rgyal po'i sku phrag g.yon