[A:285]du thim mo/ /de nas rgyal po rang byon bcu gcig zhal gyi drung du phyin te/ 'phags pa la bstod pa/ chos sku stong pa'i ngang nyid las/ /'gro ba'i don du bzhengs pa'i sku/ /zhi ba'i zhal bzhi khro zhal bdun/ /bcu gcig zhal la phyag 'tshal lo/ /rtsa ba'i zhi zhal dkar po gsum/ /rab tu 'dzum zhing mdzes pa ste/ / las dang nyon mongs zhi mdzad pa/ /chos sku'i zhal la phyag 'tshal lo/ /de steng btso ma gser mdog can/ /rngams pa'i zhal gsum bzhad pa'i dpal/ /tshe dang bsod nams dpal 'byor gsum/ /rgyas par mdzad la phyag 'tshal lo/ /de steng byi ru ltar dmar ba'i/ /dbang gi las mdzad zhal gnyis po/ /rnam par gtsigs pa'i khro gnyer can/ /longs sku'i zhal la phyag 'tshal lo/ /de steng drag po'i las mdzad pa/ /dud sprin mdog 'dra zhal gnyis po/ /'jigs shing rngams pa'i spyan gsum bgrad/ /sprul sku'i zhal la phyag 'tshal lo/ /de steng bla ma sprul pa'i sku/ /sangs rgyas kun 'dus li khri'i mdog /'od dpag med mgon rgyal ba yi/ /gtsug rgyan can la phyag 'tshal lo/ /padma'i 'dab 'dra dang po yin/ /phyag gnyis thugs kar thal sbyar nas/ /sangs rgyas kun gyi thugs rje rnams/ /bskul bar mdzad la phyag 'tshal lo/ /g.yas kyi phyag bzhi rim pa bzhin/ /bgrang phreng 'khor lo mchog sbyin dang / /dus gsum sangs rgyas 'od dpag med/ /legs par bsnams la phyag 'tshal lo/ /g.yon gyi phyag bzhi rim pa bzhin/ /pad dkar spyi blugs rin po che/ /thabs shes zung 'jug mda' dang gzhu/ /legs par bsnams la phyag 'tshal lo/ /g.yas kyi yan lag bcu dgu na| |rin chen zhags pa lhung bzed gri/ /rdo rje me shel chu shel gzhu/ /lcug ma