[A:286]bsnams la phyag 'tshal lo/ /rnga yab phub dang bum pa bzang / /dgra sta phreng ba padma sngo/ /spyi blugs nyi ma chu skyes dkar/ /snye ma bsnams la phyag 'tshal lo/ / g.yon gyi yan lag bcu dgu na/ /sprin dkar spyi blugs padma gri/ /dung thod phreng ba dril bu dang / /rdo rje bsnams la phyag 'tshal lo/ /lcags kyu 'khar gsil sprul pa'i sku/ khang bzangs glegs bam 'khor lo dang / /sku gzugs shing thog ge sar bcas/ /rin chen bsnams la phyag 'tshal lo/ /chos sku'i rtsa phyag rnam pa bcu/ /longs sku'i yan lag sum cu brgyad/ /sprul sku'i nying lag stong mnga' ba'i/ /nam mkha'i rgyal po khyod la 'dud/ /padma lta bu'i phyag mthil la/ /utpal 'dra ba'i spyan mig gis/ /rgyu skar bzhin du rnam bkra ba'i/ /nam mkha'i rgyal po khyod la 'dud/ /dbu la rgyal ba'i gtsug rgyan bcas/ /phyag zhabs gser gyi gdu bu 'khrol/ /sku la dri zhim spos ngad ldan/ /nam mkha'i rgyal po khyod la 'dud/ /sna tshogs dar gyi na bza' gsol/ /rin chen du ma'i rgyan gyis spras/ / blta bas mi ngoms mdzes pa'i sku/ /nam mkha'i rgyal po khyod la 'dud/ /ri dwags lpags pas nu ma bkab/ /yan lag rigs bzhi'i sbrul gyis brgyan/ / mtshan dpe gzi brjid 'bar ba'i sku/ /nam mkha'i rgyal po khyod la 'dud/ / gangs ri'i ngogs ltar mdzes pa la/ /cung zad dmar ba'i mdangs dang ldan/ / thugs rje'i 'od dkar 'phro ba'i sku/ /nam mkha'i rgyal po khyod la 'dud/ /lha rgyal gtsug gi nor bu yis/ /legs par bzhengs pa'i zhabs gnyis po/ /pad zla'i steng du 'gying ba'i sku/ /nam mkha'i rgyal po khyod la 'dud/ /dus gsum sangs rgyas thams cad kyi/ /thugs kyi sprul pa rin po che/ /thabs mkhas thugs