[A:287]rje ldan pa khyed/ /sems can rnams la gzigs su gsol/ /'gro ba kun gyi skyabs gnas khyed/ /sdug bsngal du mas gtses pa yi/ /nyam thag phongs pa'i sems can la/ /thugs rje'i spyan gyis gzigs su gsol/ /ma rig 'khrul pa'i sems can rnams/ /las ngan bsags pas lus ngan blang / /ngan song gsum du lhung ba rnams/ /thugs rje'i lcags kyus gzung du gsol/ /zhes gsungs te/ dbu'i la thod phud nas/ yi dam gyi thugs kar gtugs nas/ 'phags pa khams gsum 'khor ba na 'khyams pa'i sems can nyam thag pa rnams la gzigs shig ces dad pa'i shugs kyis spyan chab phyung nas/ gsol ba drag tu btab pa'i ngang la/ rgyal po 'od du zhu nas rang byon bcu gcig zhal gyi thugs kar thim mo/ /
'phags pa'i thugs kar phyag gnyis thal mo sbyar ba la/ kha phye nas yod pa de'ang de dus su byung ba yin no/
/
de ltar thams cad kyis mngon sum du mthong yang bya thabs med par gcig gdong gcig la blta zhing / mig hu re lus so/ /de nas mang bza' khri lcam gyis/ rgyal po yab yum gsum de ltar mdzad nas mi bzhugs na/ da ji ltar byed/ su la re thugs rjes gzung du gsol zhes zhus pas/ rang byon gyi thugs ka nas rgyal pos dbu nyug mdzad de 'di skad ces gsungs so/ khyed rnams nyon cig skyes nas 'chi thag chod pa dang gciga'adus byas kyi mtshan nyid mi rtag pa yin pa dang gnyis/ tshe la long med pa rtswa kha'i zil pa lta bu dang gsum/ da lta'i spyod lam 'di rnams rmi lam sgyu ma lta bur shes par gyis shig gsungs so/ /bal mo bza' khri btsun kyang / nu ma g.yas pa'i steng nas dbu nyug mdzad de 'di skad gsungs so/ /tshe la nges pa med pa