[A:288]nam mkha'i 'ja' tshon lta bu dang gcig ngag la nges pa med pa bar snang gi 'brug lta bu dang gnyis/ lus la nges pa med pa sos ka'i me tog lta bu dang gsum/ da lta'i spyod pa 'di me long nang gi gzugs brnyan lta bur shes par gyis shig gsungs so/ /rgya mo kong jo nu ma g.yon pa'i steng nas dbu nyug mdzad de 'di skad ces gsungs so/ /lus mi rtag pa sdong rgan rtsa ba rul pa lta bu dang gcig tshe mi rtag pa nam mkha'i glog sprin lta bu dang gnyis/ nor mi rtag pa sbrang ma'i sbrang rtsi lta bu dang gsum/ da lta'i spyod pa 'di chu'i lbu ba lta bur shes par mdzod cig gsungs te mi snang bar gyur to/ /de nas blon po gnyis kyis rgyal po chen po de ltar mdzad nas mi bzhugs na/ nged phyi nang gi blon po/ bod 'bangs rnams ci ltar byed/ thugs rjes gzung du gsol zhes zhus pas/ yang rgyal pos dbu nyug mdzad nas 'di skad gsungs so/ /legs par nyon cig bdag gi 'khor 'bangs rnams/ /tshe 'di mi rtag rtswa kha'i zil pa 'dra/ /de la snyom las le lo ma byed cig /'chi bdag bdud ni ri gzar chu dang 'dra/ /de la long yod rtag par ma 'dzin cig /sgyu lus phung po sos ka'i me tog 'dra/ /me tog sad kyis nam khyer nges pa med/ /tshe 'di'i bya ba spang la dam chos mdzod/ /mi rtag 'chi bar bsams la brtson 'grus bskyed/ /nga dang khyed rnams 'bral med rtag tu 'grogs/ /gsungs te mi snang bar gyur to/ /der khong rnams gcig la gcig lta zhing / yab yum gsum sprul pa'i skur 'dug pa la/ bzhugs pa'i dus mos gus chung 'dug ces smra zhing yod pa la/ zhang blon sna chen po dang / sbas lcang dpal gyi legs bzang gnyis byung ste/ rgyal po yab yum gsum gar