[A:290]dog sna tshogs pa brgyad byung ste/ 'od zer gcig jo bo mi bskyod rdo rje'i thugs kar thim/
li ma/
'od zer gcig byams pa chos kyi 'khor lo'i thugs kar thim/ li ma/
'od zer gcig sangs rgyas 'od dpag med kyi thugs kar thim/ 'od zer gcig sangs rgyas mi 'khrugs pa'i thugs kar thim/ 'od zer gcig khro rgyal sme ba brtsegs kyi thugs kar thim/ 'od zer gcig sangs rgyas sman pa'i rgyal po'i thugs kar thim/ 'og khang shar lho'i g.yu rung khug na yod bris sku/
'od zer gcig rta mgrin dkar po'i thugs kar thim/ bris sku bar khang na yod/
'od zer gcig rje btsun sgrol ma'i thugs kar thim/ bris sku bar khang na yod/
de rnams ni 'od zer 'phros pa'i lha brgyad yin no/ /yang lha de rnams kyi thugs ka nas 'od zer 'phros pas lha khang nang gi lha thams cad la phog nas/ 'od zer gyi dra bas 'brel bar gyur to/ /de ni 'phrul snang gi gsang ba'i rab gnas lhun gyis grub pa yin no/ /de nas dbon sras dang / btsun mo blon po la sogs de na yod pa thams cad mya ngan gyi sdug bsngal zhi nas/ zag med kyi bde ba la gnas par gyur to/ /de nas blon po thams cad gros byas te/ sras gung ri gung btsan ni yab kyi gong du 'das/ dbon sras ni chung bas bang so brtsigs dgos pas/ yab yum gsum po rang byon bcu gcig zhal gyi thugs kar thim pa gsang ste/ 'phan yul zal mo sgang du 'das pa yin no zhes phyogs bcur bsgrags nas/ yar lung 'chong po'i nang du yab yum gsum ka'i bang so/ 'gran zla dang bral bar brtsigs so/ /rgyal po yab yum gyi mdzad pa yongs su rdzogs te/ rang byon bcu gcig zhal gyi thugs kar thim pa'i le'u ste bcu bdun pa'o/ /de ltar sprul