[A:291]pa'i chos rgyal chen po de/ /dgung lo bdun cu tham pa rgyal sa bzung / /lha khang bzhengs shing dam chos rgyas par mdzad//dkon mchog zhabs tog bka' khrims chos la bsgyur/ /dgung lo brgyad cu gya gnyis bzhengs pa na/ /le lo can rnams brtson 'grus bskyed pa dang/ /snyom las can rnams chos la bkod pa dang / / rtag par 'dzin pa skyo ba bskyed pa'i phyir/ /'phrul snang nang gi btsan khang byang ma ru| |rgyal po yab yum 'od du rab zhu nas/ /yi dam lha yi thugs kar thim par gyur/ /sangs rgyas mi ru sprul pa'i 'gro don can/ /spyan ras gzigs dang gnyis su med pa'i sras/ /sdig can chos la 'khod pa'i thugs rje can/ /mtha' yas sems can rnams kyi mgon gcig pu//chos rgyal sprul pa'i sku la skyabs su mchi//'phags pa thugs rje can gyis byin gyis rlobs/ /de yi bang so 'chong po'i nang du btab/ /che chung tshad ni dpag tshad gcig tsam la/ /bang so gru bzhi dkyil du re mig byas/ /dar dang shog bu bsres pa'i 'jim pa la/ /de la chos rgyal chen po'i sku bzhengs nas/ /shing rtar spyan drangs rol mor bcas nas ni/ /sku de bang so'i nang du bzhugs pa mdzad/ /nang gi re mig thams cad nor gyis bkang / /bang so nang rgyan can du grags par gyur/ /nang du lha khang lnga yang bzhugs so zer/ /bang so gru bzhir brtsigs pa de nas byung / /ming yang sku ri smug po lags so skad/ /phyogs bcu'i sangs rgyas rnams dang nyan thos dang / / byang chub sems dpa' dam can chos skyong rnams/ /gnas der lhags nas bang so de la ni/ /bkra shis rab tu gnas pa'i phrin las mdzad/ /dbon sras mang srong mang btsan la sogs pa'i/ /blon po bod 'bangs 'khor dang bcas pa