[A:293] rgyal po 'di'i dus su blon po rtsal po che mi bdun byung ste/ rngog ring la nag pos glang po che theg rngog gling khams kyis g.yag grus po che khyog snon rgyal mtshan gyis mda' ste'u kha mas bya khra rked par bcad/ dbas 'dong sgong gis mig rgyang gsum re la mda' rgyang res sleb/ 'gos g.yag chung gis sha ba'i rlud phur bye mas bkang ste glad la bskor nus/ co ro 'brong sher gyis 'brong mthur la rgyug pa gyen la 'then thub/ snon khri bdun g.yu byin gyis rta g.yang la mchong ba gyen la 'then thub pa rnams byung / mnga' thang dpal 'byor ni lha dang mnyam/ stobs dang mthu rtsal gyis ni mtha' bzhi las rgyal te/ lha sar mes srong btsan sgam po'i dgongs dus kyi mchod pa btsug mtha'i rgyal po yang dbang du 'dus pa tsam byung nas/ snga gong bod kyi rgyal po rim par byon pa rnams las mthu stobs che ba zhig byung ste/ dgung lo nyi shu rtsa dgu rgyal srid bzung nas ljang gi yul du 'das so/ /'phrul rgyal bang so mang srong g.yon na yod/ /bang so lha ri can zhes grags par gyur/ /de ni hor gyi mi sdes brtsigs pa lags/ /ming ni seng ge brtsig pa zer ro skad/ /
nyi shu pa/ khri lde gtsug brtan mes ag tshom gyi skor/ rgyal po 'dul srong mang po btsan gyi sras/ khri lde btsug brtan mes ag tshom du grags pa ste/ lcags pho 'brug gi lo la pho brang ldan dkar du sku 'khrungs/ dgung lo bcu la rgyal srid bzung / blon po skyi bzang stong btsan/ mchims rgyal shugs steng / 'bro chu bzang 'or gsum gyis blon po byas/ rgyal khams la dbang bsgyur/ ljang mo khri btsun bya ba'i btsun mo khab tu bzhes/ rgyal po des 'phyin phu nas/ mes