[A:294]srong btsan sgam po'i zhal chems zangs kyi byang bu la bris pa rnyed de/ gzigs pas nga ni gdung rabs lnga na rgyal po khri dang lde zhes bya ba'i dus su dam pa'i chos dar/ paNDi ta mang po byon nas sangs rgyas kyi bstan pa rgyas par 'gyur zhes pa de/ rgyal po khong rang yin dgongs nas/ bran kha mu le sho ka dang gnyags dznya na ku ma ra gnyis pho nyar brdzangs te/ gangs ri ti se la paNDi ta sangs rgyas gsang ba dang / sangs rgyas zhi ba gnyis spyan 'dren du btang bas gdan ma 'drongs pa dang / theg pa chen po'i mdo sde lnga blo la bzung nas 'ongs te/ yi ger bris nas glegs bam lnga bzhengs nas de rnams kyi bzhugs sa la lha khang lnga brtsigs te/ brag dmar ka ru/ kha che 'grin bzang / lha sa kha brag 'phyin phu nam ral/ mang gong gi lha khang dang lnga bzhengs/ rgya yul ke ma shi nas mdo gser 'od dam pa dang / 'dul ba las rnam par 'byed pa bsgyur ro/ /pe tsi tsandra shrIs sman dpyad mang po yang bsgyur ro/ /de rnams kyi yon tan gyis btsun mo ljang mo khri btsun la sras ljang tsha lha dbon zhes bya ba lha'i gzugs byad lta bu shin tu mtshar ba cig 'khrungs so/ /de la bod na khab 'os pa ma rnyed nas/ mes srong btsan sgam po'i lugs su bya zer/ rgya nag gi rgyal po dzung dzung rgyal po'i sras mo kyim shing kong jo la rin dang skyes bskur nas len du btang ngo / /der bod kyi blon pos rgya rje la rin dang skyes phul bas/ rgya rjes sras mo la 'gro'am mi 'gro gsungs pa dang / kong jos legs nyes ston pa'i me long zhig yod pa la dmod bor te legs par phyis nas bltas pas/ tshe 'di'i grogs skal bod na yod par shes shing / rgyal bu de yang mtshar zhing yid du 'ong ba zhig mthong nas