[A:133] de la bu che ba ma hA ma ses lha khang wA rA Na sIr bzhengs shig bu 'bring po si ba sa mes lha khang dze ta'i tshal du bzhengs shig bu chung ba spra ta sa mes lha khang rdo rje gdan du rtsigs shig zer bas/ der bu che ba gnyis kyis a mas ji ltar zer ba bzhin lha khang brtsigs pas sngon la tshar ro/ /bu chung bas rdo rje gdan du lha khang brtsigs te/ phyi gandho la/ nang du lha khang byas pas/ de'i nang du bcom ldan 'das dgung lo sum cu pa'i sku tshad cig bzhengs par 'dod pa'i rgyu tsandan bdar te 'jim pa'i phung por byas pa dang / a ma na re/ lha bzo dang / bu khyod rang dang / brgyag chu dang gsum po nang du sdod/ sgo la lcags gzer rgyob la/ zla ba gsum dang zhag gsum la tshar bar gyis shig zer ro/ /der zla ba gsum dang zhag gnyis song dus a ma byung ste/ sgo phyes shig zer ro/ /bu na re/ zla ba gsum dang zhag gnyis song / da dung zhag gcig ma thim zer bas/ a ma na re/ zhag gcig ma thim kyang dbang med/ nga ni sang 'chi bar 'dug da lta sangs rgyas kyi zhal mthong ba nga las mi 'dug ngas 'dra mi 'dra ma bltas na/ gzhan gyis shan mi phyed pas/ sgo phyes shig ngas blta dgos zer ro/ /der sgo phyes pa dang / lha bzo ba de sprul par 'dug nas 'ja' yal ba bzhin byas song ngo / / dgung lo sum cu pa'i sangs rgyas kyi sku tshad de ni/ mtshan dang dpe byad kyis brgyan pa/ ngo mtshar che ba ni 'di lta ste/ mi rnams kyi rten de dang mjal ba'i dus su/ ltogs skom brjed nas bza' btung gzhan gyis ster dgos pa'o/ / mjal nas phyir 'ong ba'i dus rgyab ston mi phod par phyi 'gros su 'gyes par 'gyur/ mi rnams glo bur du na bar gyur na/ rten de'i zhal mthong ba tsam gyis