[A:303]so| |der blon po 'gos dang / zhang nyang bzang dang / gnyer stag btsan 'dong gzigs la sogs pa'i chos blon rnams bzhengs te/ rje gcig lags/ shel gyi mchod rten shang ri dang mtho dma' mnyam pa ni skye ba 'di la grub pa mi srid/ rgya yul mthong ba'i mkhar bsam pas 'grub pa mi srid/ bod mnga' rigs kyi zangs thams cad bsdus kyang / has po ri 'thums pa med/ wa lung grog mo gser phye ma'i bye mas kyang mi khengs/ khron pa 'dom dgu brgya bas brgya yang 'bru mi thub/ gtsangapo sbubs su dgun tshud kyang dbyar mi tshud/ de bas rje'i thugs dam/ 'bangs kyi skyabs gnas/ phan bde thams cad 'byung ba'i gzhi ma| gtsug lag khang bre tshad tsam zhig bzhengs pa lags zhus pas/ der thams cad kha 'cham par de bzhin legs so zhes gda'o/ /de nas rgyal po'i zhal nas/ slob dpon chen po nga'i pha ma gnyis po gang na 'dug zhus pas/ slob dpon gyi zhal nas/ rgyal po khyed kyi yab ni/ rgya gar gyi yul na/ paNDi ta chen po zhig tu skyes 'dug ste/ khyed kyi dbon sras kyi dus su/
paNDi ta dA na shI la yin par lung bstan
bod du 'byon par 'dug khyed kyi yum ni/ zung mkhar na dbul po bza' mi gnyis kyi bu mor skyes 'dug ste/ ming dang rus ni 'di ltar ro zhes lung bstan/ de nas rgyal pos btsun mo lnga khab tu bzhes pa la/ tshe spang eds: (spong )bza' me tog sgron/ 'khar chen bza' 'tsho rgyal/ btsun mo 'di slob dpon la dbang yon du phul lo/ /
'bro bza' byang chub sgron/ mchims bza' lha mo btsan rnams so/ /yang yum gyi drin bsab pa'i phyir/ dbul po bza' mi'i bu mo khab tu bzhes te/ pho yong bza' rgyal mo btsun zhes grags so/ /lo rgyus shig na/ rgyal po'i yum gyi skye ba bu mo de/ 'phan yul