[A:304]
zur chu nas rnyed zer ba 'dug ste/ gang ltar na'ang pho yong bza' yin par don mthun no/ /
de nas slob dpon gyis gtsug lag khang brtsig pa'i sa dpyad gzigs pas/ shar ri rgyal po gdan la bzhugs pa 'dra de bzang / ri chung bya mas bu la sgab pa 'dra de bzang / sman ri rin chen spungs pa 'dra de bzang / has po ri btsun mo dar dkar gyi na bza' gsol ba 'dra de bzang / ri nag lcags phur sa la btab pa 'dra de bzang / me yar dre'u chu 'thung ba 'dra de bzang / del thang dar dkar gyi yol ba 'then pa 'dra de bzang / sa gzhi ni gser gzhong gur gum gyis bkang ba 'dra de bzang bas/ rje'i thugs dam 'dir bzhengs shig gsungs nas phyag bris mdzad do/ /de nas slob dpon gyis 'dre srin gdug pa can rnams dam la btags nas 'gal rkyen med par mdzad de/ ya rabs rigs btsun zhing pha ma drug eds: (drung )ldan gyi bu dang bu mo rgyan du mas brgyan pa lnga bcu/ rin po che'i bum par bkra shis kyi chus gang ba thogs te/ sa phur btab/ sa gzhi byin gyis brlabs so/ /de nas rgyal pos blon po dang / bod 'bangs thams cad las la bskul te/ dbus su ri'i rgyal po ri rab la dpe blangs nas/ dbu rtse chen mo rmang bting tsam na/ rje btsun ma sgrol mas lung bstan nas/ snga sor Arya pa lo gling bzhengs te/ rten gyi gtso bo la 'phags pa spyan ras gzigs/ de'i g.yas su sgrol ma/ g.yon du 'od zer can/ yang g.yas su yi ge drug pa/ g.yon du dpal rta mgrin la sogs pa/ gtso 'khor lnga bzhengs so/ /steng du 'od dpag med gtso 'khor lnga bzhengs so/ /de nas slob dpon gyis rgyal po la rta mgrin sgrub pa'i lung gnang nas sgrub pa mdzad pas/ rgyal pos rta mgrin 'grub nas/