[A:305] rta skad lan gsum bton pas 'dzam bu'i gling sum gnyis su thos te/ rgyal po'i chab srid kyang 'dzam gling sum gnyis la dbang bsgyur ba yin gsungs/ de nas yos kyi lo la dbu rtse chen po'i 'og khang bzhengs te/ rten gyi gtso bo la has po ri nas spyan drangs pa'i rdo'i thub pa rang byon la rin po che'i 'jim pas g.yogs te/ mtshan dpe dang ldan par bzhugs/ g.yas gral la byams pa/ spyan ras gzigs/ sa'i snying po/ dga' ba'i dpal/ khro bo khams gsum rnam rgyal la sogs pa'o/ /g.yon gral la kun tu bzang po/ phyag na rdo rje/ 'jam dpal/ sgrib pa rnam sel/ dge bsnyen dri ma med pa/ khro bo mi g.yo ba dang / gtso 'khor bcu gsum rnams bod kyi lugs su bzhengs/ lte ba'i phyi lha'i ri mo mdzad pa bcu gnyis/ kha nang lta la tog gi rgyud ris/ sngar khang rje'i thugs dam gyi rgyud ris rnams bzhengs/ mkha' 'gro ma seng ge'i mgo can la gtad/ de nas bar khang bzhengs te/ rten gyi gtso bo la sangs rgyas rnam par snang mdzad/ g.yas phyogs la mar me mdzad/ g.yon na byams pa / mdun na shAkya thub pa/ sman gyi lha/ snang ba mtha' yas gsum bzhugs/ g.yas g.yon na byang sems nye ba'i sras brgyad/ dge bsnyen dri ma med pa/ byang chub sems dpa' dga' ba'i dpal/ khro bo kang dang king / bzo rgya nag gi lugs su bzhengs/ rgyud ris la yum rgyas pa gling gzhi'i le'u gdong la rgyal chen bzhi/ bskor khang kha phyir lta la mchod rten brgyad pa/ mya ngan las 'das pa'i rgyud ris/ kha nang lta la sprin chen po'i rgyud ris/ sngags khang la phyogs bcu'i sangs rgyas dang / gshin rje gshed kyi lha tshogs/ bsam yas kyi chos skyong rnams kyi 'bag chos skyong rgyal