[A:306]po shing bya can la gtad/ steng khang gi gtso bo sangs rgyas rnam par snang mdzad kun tu zhal re re la 'khor gnyis re/ byang chub sems dpa' nye ba'i sras brgyad/ nang gi lha byang chub sems dpa' rdo rje rgyal mtshan la sogs pa phyogs bcu'i sangs rgyas byang sems/ khro bo mi g.yo ba dang phyag na rdo rje/ bzo rgya gar gyi lugs su bzhengs/ rgyud ris mdo sde sa bcu pa/ chos skyong rgyal po zangs ma'i 'be log can la gtad/ thog rgya phub za 'og ris su byas/ lcog bzhi na sangs rgyas dga' ba'i dpal la 'khor byang chub sems dpas bskor ba/ chos skyong lag na rdo rje gos sngon can bzhi la gtad/ de nas 'khor sa bar pa brtsigs te/ lho phyogs klu'i bang mdzod rol chas bkang / gnod sbyin lag na dbyug tho thogs pa mched gsum la gtad/ nub phyogs mdo rgyud chos kyi bang mdzod sum brgya dang / bod dang rgya'i dpe cha glegs bam gyis bkang ste/ a tsa ra lag na spu gri thogs pa gsum la gtad/ byang phyogs rin chen gter gyi bang mdzod gsum gser dngul zangs la sogs pas bkang ste/ gshin rje gshed lag na be con can gsum la gtad/ rgyud ris la rgya cher rol pa bris/ de'i bar la sangs rgyas stong dang khri la sogs pa bris so/ /de nas 'khor sa chen po bskor te/ dpal rnam par snang mdzad ngan song sbyong ba'i dkyil 'khor bzhengs so| |mda' yab kyi ngos gsum na rigs lnga'i lder so zhal phyir blta ba/ nang du stug po brgyan pa/ nor bu bzang po chos skyong klu'i rgyal po A nanda la gtad/ rgyab tu rdo ring btsugs chos skyong si ha mu kha la gtad/ dbu rtse'i sgo gsum rnam par thang pa'i sgo/ /gru skas drug ni pha rol phyin pa drug /'og khang rdo la bar khang