[A:307]so phag yin/ /steng khang gzhal yas rin chen shing las grub/ /bzo rnams thams cad 'dul ba'i lugs dang bstun/ /rgyud ris thams cad mdo sde'i lugs dang bstun/ /lder so thams cad gsang sngags dag dang bstun/ /zhes so| |de nas shar lus 'phags po'i gling gsum zla gam ris su yod pa la dpe blangs nas/ shar du lha khang gsum brtsigs te/ de yang rnam dag khrims khang gling na rten gyi gtso bo shAkya thub pa gtso 'khor lnga/ mngon par 'byung ba'i rgyud ris/ chos skyong tshangs pa dung gi thor tshugs can la gtad/ mkhyen rab 'jam dpal gling na/ 'phags pa 'jam dpal gtso 'khor bdun/ sgo srung gshin rje gshed gnyis 'jam dpal rtsa rgyud dang / ngan song sbyong ba'i rgyud gnyis/ chos skyong gshin rje'i 'khor lo can la gtad/ brda sbyor tshangs pa gling na shAkya thub pa gtso 'khor bdun/ mya ngan las 'das pa'i rgyud ris/ chos skyong 'brug gi glog ba can la gtad/ lho 'dzam bu gling gi gling gsum sog khar yod pa la dpe blangs nas/ lho phyogs su lha khang gsum bzhengs te/ de yang bdud 'dul sngags pa gling na/ thub pa bdud 'dul lugs gtso 'khor lnga/ lte ba la mdo sde sa bcu pa'i rgyud ris/ 'khor sa la nam mkha'i snying po'i rgyud ris/ chos skyong dbang phyug ma nyi shu rtsa brgyad la gtad/ Arya pa lo gling na/ kharsa pa Ni gtso 'khor lnga/ steng na snang ba mtha' yas gtso 'khor lnga/ bloeds: (glo )'bur na tsandan la dngul g.yogs pa'i rgyal po'i sku 'dra gcig mchod rten gcig rgyud ris/ za ma tog lha mo stong rtsa gnyis chos skyong drang srong dharma rA dza la gtad/ sgra sgyur rgya gar gling na thub pa rgya gar lugs ma gtso 'khor lnga/ rgyud ris la tshe dpag med