[A:308]dang / lo paN sgra bsgyur pa'i gzugs so/ /chos skyong gnod sbyin rA hu la la gtad/ nub ba lang spyod kyi gling gsum zlum por yod pa la dpe blangs nas/ nub tu lha khang gsum brtsigs te/ de yang dpa' bo bai ro tsa na gling na rnam par snang mdzad zangs la bzhengs pa/ 'khor gsang ba yum bzhi/ rnam par snang mdzad mngon par byang chub pa'i rgyud ris/ chos skyong gnod sbyin glang gi mgo can la gtad/ dga' ldan byams pa gling na/ mgon po byams pa gtso 'khor bdun/ sgo srung gshin rje gshed gnyis/ rgyud ris la gnas brtan bcu drugabasam yas bzhengs lugs dang / 'jig rten gtan bzhag rnams bris/ chos skyong khro bo gos sngon can la gtad/ mi g.yo bsam gtan gling na/ rnam par snang mdzad rigs lnga/ nyan thos bcu drug rgyud ris la gser 'od dam pa nas khye'u chu 'bebs kyi ri mo/ chos skyong rgyal po dngul mgo can la gtad/ byang sgra mi snyan gyi gling gsum gru bzhir yod pa la dpe blangs nas/ byang du lha khang gsum bzhengs te/ de'ang rin chen sna tshogs gling na shAkya thub pa gtso 'khor lnga/ rgyud ris la dga' ldan du bcom ldan 'das kyis yum la chos gsungs pa/ drin lan bsabs pa rnams bris/ chos skyong rgyal po lcags kyi sder mo can la gtad/ sems bskyed byang chub gling na sangs rgyas padma can/ sgrib pa rnam sel/ phyag na rdo rje/ bdud rtsi 'khyil ba/ rgyud ris mdo sde dkon mchog sprin dang / rtag tu ngus shes rab kyi pha rol tu phyin pa btsal ba rnams bris/ chos skyong mkha' 'gro ma seng ge'i mgo can la gtad/ pe dkar dkor mdzod gling na shAkya thub pa gtso 'khor dgu/ yab sras mjal ba'i rgyud ris/ glo 'bur rnams na bsam yas