[A:309]bzhengs pa'i nor lhag ma/ 'di na 'di yod kyi rtsis yig de'i srung ma khram khang gi rgyal po la gtad/ lha khang spyi'i bstan srung la/ slob dpon gyis za hor gyi yul nas/ lha'i dge bsnyen chen po/ bdud kyi dmag dpon chen po/ snang srid kyi lha ma srin sde brgyad la dbang byed cing / skye 'gro thams cad kyi dbugs len/ srog bdag chen po pe ha ra la gtad cing / pe dkar gyi gling du rten btsugs so// nyi ma lha khang yag sha gong ma gang ba bzang po'i lha khang na shAkya thub pa gtso 'khor lnga/ rgyud ris sangs rgyas stong rtsa gnyis/ zla ba lha khang yag sha 'og ma nor bu bzang po'i lha khang na/ lha khang rgyud ris gong dang mthun/ tshang mang ke'u gling na steng na ba so lha khang / dag byed khrus khang gling na khron pa tsandan gyis gang ba| mthu gtad klu khang gling na/ se ba phung po yal ga brgyad yod pa gcig la/ klu chen brgyad/ dbus na phyag na rdo rje/ zhi ba 'dul byed rgyud ris/ rus sbal nya chu srin la sogs pa'o/ /de nas mchod rten dkar po byang chub chen po'i mchod rten nyan thos kyi lugs seng ges brgyan pa/ shud pu dpal gyi seng ges lag dpon byas nas bzhengs/ chos skyong gnod sbyin skar mda' can la gtad/
mchod rten dkar po'i srog shing rgyal chen bzhis btsugs nas bzhugs la sangs rgyas kyi ring bsrel ma ga dha'i bre'i khal gcig gnyen po gsang ba yab kyi yi dam/ mdo sde lnga rnams bzhugs pas byin rlabs che/
mchod rten dmar po chos kyi 'khor lo bskor ba'i lugs padmas brgyan pa/ sna nam rgyal tsha lha gnang gis lag dpon byas nas bzhengs/ chos skyong gza' mig dmar la gtad/ mchod rten nag po rang sangs rgyas kyi lugs/ ngam stag sgra klu gong gis lag dpon byas nas bzhengs/ chos skyong gnod sbyin lcags kyi mchu