[A:310]can la gtad/ mchod rten sngon po dpal lha las babs pa de bzhin gshegs pa'i lugs/ lha khang sgo mo bcu drug gis brgyan pa/ mchims rdo rje sprel chung gis las dpon byas nas bzhengs/ chos skyong gnod sbyin nyi ma'i gdong la gtad/ de'i tshe 'dre mo 'od can mas mi thams cad la gnod 'tshe byas pas/ slob dpon gyis byams pa gling du mchod rten 'od 'bar ba brtsigs te/ 'dre mo mnan/ gnod 'tshe med par mdzad do/ /de nas lcags ri zur mangs rdo rje 'gros ni/ mchod rten brgya rtsa brgyad kyi tshul du bzhugs nas re re la sangs rgyas kyi ring bsrel re re bzhugs so/ /de nas btsun mo gling gsum ni/ 'gro bza' byang chub sgron gyis dge rgyas bye ma gling bzhengs te/ sangs rgyas snang ba mtha' yas gtso 'khor bdun li ma ru bzhengs/ g.yas na rigs gsum mgon po| g.yon na sman gyi bla/ kun tu bzang po/ mi g.yo ba rnams bzhugs/ sras med pha ming thag ring bas/ ma 'ongs pa'i dus su lha khang la zhig ral byung na/ gso mkhan ma byung dogs nas/ rtsig pa so phag la zha nye'i chus sbyar/ zangs kyis thog phub/ rol mor jang btag mar me'i tshab tu nor bu 'od kha gdung mar btag yon chab tu khron pa bcos so/ /tshe yang bza' me tog sgron la sras gsum 'khrungs te/ mu ne btsad po/ mu rug btsad po/ mi mug btsad po sad na legs dang gsum yod pa'i yab kyi dbu rtse rigs gsum la dpe blangs nas/ khams gsum zangs khang gling gi lha khang bzhengs so/ /pho yang bza' rgyal mo btsun gyis bu tshal gser khar gling rdo rje dbyings kyi dkyil 'khor du bzhengs/ lha bzo la sogs pa bzo bo rnams la dus re la zas sna bcu gsum re drangs