[A:311]pas/ de'i bzang lan du bzo khyad bcu gsum byas pa la/ phyi na rtsig pa med de/ rdo rje lta bur sra ba bzo'i khyad/ nang na ka ba med de/ gur lta bur mdzes pa bzo'i khyad/ sa gzhi ra gan las byas pa/ g.yu'i gdung ma la gser gyi rta rgyug pa| gser gyi gdung ma la g.yu'i 'brug yod pa/ rgya phub eds: (phibs )kha phyi lta dang nang lta yod pa/ nang gi lha rnams la spyi gdugs re dang/ sgos gdugs re yod pa| sgo 'byed gcod la gser gyi bye rus skad 'don pa/ mdzad pa bcu gnyis 'bur du dod pa sogs/ bzo'i khyad ngo mtshar can bcu gsum byas so/ /de ltar dpal bsam yas mi 'gyur lhun gyis grub pa'i gtsug lag khang sde skor legs par bzhengs pa'i bzo phud la/ lha sar shing bzo'i phud la/ btsan khang dbus ma'i mdun du sgo mo che rta babs kyis brgyan pa dang / sa'i phud la sgo srung rgyal chen bzhi bzhengs su gsol/ de ltar yos kyi lo la bsam yas kyi rmang bting nas yos kyi lo la yongs su rdzogs par tshar te/ lo skor gcig 'gor ro/ /de nas rab tu gnas par bya ba'i phyir/ bza' btung gi longs spyod dpag tu med pa bsags/ mnga' zhabs kyi mi thams cad 'dus te/ dga' ston rgya chen po mdzad do/ /de nas rgyal pos slob dpon dang bo dhi sa twa la gser gyi phyag rten phul/ rgyal pos kyang rin po che du mas brgyan pa'i na bza' gsol te/ dpal bsam yas mi 'gyur lhun gyis grub pa'i gtsug lag khang sde skor dang bcas pa la| rab gnas ngo mtshar che ba'i rnam grangs yod pa lan bdun mdzad/ sprul pa'i skur bstan no/ /de'i rgyud ris kyang / dbu rtse'i sgo rgyab dang / 'khor sa'i sgo 'gram gnyis la bris yod do/ /
bka'i thang yig che mo las/
de ltar dpal gyi