[A:312]bsam yas la/ /rab gnas dga' ston mdzad pa'i dus/ /mtsho mo gur gyi dkyil drung der/ /padma'i sdong po skyes pa'i gnas/ /rgyal po gser khri'i steng du bzhugs/ /yid 'ong btsun mo lnga po yang / /mdzes pa'i rgyan dang bcas te bzhugs/ /mchod gnas lo paN thams cad kyang / /dgyes shing chos kyi sgrog gleng mdzad/ /chos blon gtso bo thams cad kyang / /rgyal po bzhugs pa'i mtha' la bskor/ /de ltar mnga' 'og spyod pa'i 'bangs/ /dbus gtsang sde rigs thams cad nas/ /ma 'tshogs bya ba gang yang med/ /bza' btung longs spyod sna tshogs kyis/ /gang la ci 'dod thams cad tshims/ /dga' ba'i bro brdung skyid pa'i glu/ /nyin re bzhin du rgyun chad med/ /gdugs dang rgyal mtshan ba dan sogs/ /gung la nyi ma grib pa tsam/ /'dab chags bya la 'phur sa med/ /mgo nag mi yis sa gzhi khengs/ /sil snyan rol mo 'brug bzhin ldir/ /gyi ling rta la rgyug sa med/ khye'u bu mo thams cad kyis/ /chas brgyan lag na rnga ma thogs/ / rnga brdung glu len gar stabs bsgyur/ /g.yag seng dar seng stag seng dang / / 'brug dang seng phrug gar mkhan dang / /dpal mdzes rnga thogs 'cham po sogs/ /rgyal po'i sku la mchod pa 'bul/ /de ltar rje 'bangs thams cad kyis// dga' ba'i lus la rang dbang med/ /bro brdung nam mkha'i char pa 'dra/ /skyid pa'i sems la dran 'dzin med/ /rang rang mos pa'i glu re len/ /de ltar mi rje lhas mdzad pa/ /chos rgyal khri srong lde btsan des/ /rin chen khri las bzhengs nas ni/ /rgyal po dgyes pa'i glu blangs pa/ /nga yi dbu rtse rigs gsum 'di/ / rin chen lnga las grub pa ste/ /brtsigs pa mi 'dra skyes pa 'dra/ /nga yi lha khang ngo