[A:319]dar zab phul/ la las ni gos dang rgyan phul/ la las ni gos hrul po dang / ras slag la sogs pa phul bas/ rgyal po'i zhal nas/ khyed bod 'bangs rnams dad pa che chung khyad re che/ la las ni nor dpag med 'bul/ la las ni ras hrul dang ras slag min pa mi 'bul lo zhes gsungs pas/ bod 'bangs rnams na re/ dad pa che chung yod pa ma lags te/ phyug po rnams la 'bul rgyu yod/ dbul po rnams la 'bul rgyu med pas lan zhes zhus pas/ rgyal po'i zhal nas/ nga'i mnga' 'og 'dir mi rnams la ltogs phyug khyad 'di tsam 'ong ba mi 'os gsungs te/ ltogs phyug lan gsum snyoms pas/ lo re tsam ma gtogs phyug po rnams ni sngar ltar phyug dbul po rnams ni sngar bzhin ltogs pas/ rgyal po'i zhal nas/ ltogs phyug lan gsum snyoms kyang / skyid sdug la khyad 'di tsam yod pa ci yin/ gang gis lan zhes gsungs pas/ mchod gnas rnams na re| 'di dag ni sngon gyi sbyin shugs yin zhes zhus pas/ las rgyu 'bras la rgyal po thugs ches so/ /de ltar rgyal pos sangs rgyas kyi bstan pa dar zhing rgyas par mdzad de/ mchod gnas rnams dang / rab tu byung ba rnams ni dbu'i la thod bzhin khur/ 'tsho ba bla nas sbyor/ chab srid ni phan pa dang bde bas bskyangs so// btsun mo pho yong bza' rgyal mo btsun zer ba de/ yab rgyal po'i yum rgya mo bza'i skye ba yin pas/ yab kyi thugs la 'phreng bar gyur te/ yab zung mkhar du byon dus sras la gtad mnyer mdzad pas sras kyis khab tu bzhes/ yab rgyal po grongs dus/ pho yong bzas rgyan ma bkrol/ mya ngan ma byas zer ba la bsnyad btags nas/ yum tshe spong bza' phrag dog skyes te/ gshed ma bskos