[A:320]nas gsod du btang bas/ sras rgyal pos bskyabs pas/ yum log lta skyes te sras la gsol ngan drangs te/ sras rgyal po mu ne btsan po lo gcig dang zla ba dgu la rgyal srid bzung nas/ dgung lo nyi shu rtsa dgu la pho brang yum bur grongs so| |sras mu ne btsan po'i bang so ni/ ag tshom bang so'i g.yas ngos mdun na yod/ /ming ni lha ri ldem po zer ro skad/ /ces so/ /
nyer gsum pa/ de nas sras 'bring po mu tig btsan po la rgyal srid gtad rgyu la/ mu tig btsan pos kyang snga gong yab bzhugs dus/ blon zhang dbu ring nyes med du bsad pa'i ngan len du sna nam pas bkrongs so/ /de'i bang so don 'khor mda' ru brtsigs/ /ming ni kya ri kyang ldem lags so skad/ /de nas sras chung ba khri lde srong btsan sad na legs 'jing yon la rgyal srid gtad/ rgyal khams la dbang bsgyur/ dge 'dun gyi sde btsugs/ sngar med pa'i mdo dang sgra bsgyur/ mchod gnas paNDi ta bi shwa ka ra/ bai ro tsa na mchog ces/ ka ma la shI la eds: (la )sogs pa'i mchod gnas rnams la zhabs tog byas/ snga gong yab kyis bzhengs pa'i gtsug lag khang rnams la mchod pa dang mar me phul/ dgung lo bcu dgu lon dus btsun mo lha rtse bya ba khab tu bzhes/ de la sras gcig 'khrungs pa/ dgung lo bcu gsum lon dus yab 'das/ bang so don mkhar mda' ru brtsigs/
nyer bzhi pa/ sras ldeng khri dgung lo bcu bzhi la rgyal srid bzung / btsun mo chen ma la gsum/ btsun mo chung ma zhig la sras lha rje lhun grub gnyis te lnga 'khrungs so/ /dge 'dun gyi sde btsugs/ yab mes kyis bzhengs pa'i