[A:136]des/ /yul de'i sems can dge la bkod phyir du/ /bdag gis khyed la mchod gnas 'bul bar bgyi/ khyed kyis dad cing gus pas phyag 'tshol cig /
ces spring ngo / /de nas rgya nag gi rgyal po dga' zhing mgu la yi rangs nas/ bsu ba rol mo bsam gyis mi khyab pa byas te/ jo bo dkon mchog gsum dang bcas pa rgya rje dza ya'i pho brang du phebs/ sems can thams cad phan bde la bkod nas/ rgya nag mtha' 'khob thul te dam pa'i chos dar bar mdzad do/ / sangs rgyas shAkya thub pa'i sku gsum bzhengs pa dang rab tu gnas par mdzad pa'i le'u ste gnyis pa'o/ /
gsum pa/ rgya hor gyi yul du dam pa'i chos dar ba dang / rgyal po'i rnam grangs ji ltar byon pa bstan pa'i skor/ de nas jo bo shAkya dang / tsandan gyi jo bo rgya nag gi yul du byon/ rgya nag tu dam pa'i chos ji ltar dar bsam na/ rgya nag gi deb ther chen po'i rgyal rabs kyi lo rgyus na/ rgya nag gi rgyal po snga ba ci'u zhes pa/
rgyal po 'di dang / rgya gar gyi rgyal po gzhu brtan gnyis dus mnyam/
de nas rgyal rabs bzhi song ba na/ ci'u dbang rgyal bya ba rgyal sar byon nas lo nyi shu rtsa bzhi lon pa'i shing pho stag gi lo zla ba bzhi pa'i tshes brgyad kyi nyin/ sangs rgyas kyi dus mchod gcig tu ngos 'dzin pa ma gtogs lo'i dbang thang ma mthun/ rgya'i deb ther na 'di ga 'dug
nub phyogs nas 'od dang sgra la sogs pa ngo mtshar che ba'i ltas mang po byung ba la/ rgya nag gi rtsis pa rnams kyis rtsis byas pas bcom ldan 'das 'khrungs par ngo shes/ bcom ldan 'das kyis dgung lo sum cu la mngon par sangs rgyas nas/ dga' ldan du yum la chos 'chad par byon/ de'i shul du rgyal po u tra ya nas