[A:329]pa can gyi bang so ni/ /don mkhar mda' yi g.yon zur de ru brtsig /bang so de'ang rin chen nor gyis bkang / /ming ni khri steng rmang ri zer ro skad/ /de nas rje'i mnga' thang ni dgun kha'i 'bab chu bzhin bri/ dge bcu'i rgyal khrims ni sog rul gyi phon thag bzhin zhig bod 'bangs kyi bsod nams ni snum zad kyi mar me bzhin song / chab srid phan bde ni nam mkha'i 'ja' bzhin yal/ nag phyogs kyi spyod pa ni yul ngan gyi 'tshub ma bzhin langs/ bzang byed kyi bsam blo ni mdang sum gyi rmi lam bzhin brjed/ de ltar du gyur te/ lo paN dang mchod gnas la zhabs tog med par so so'i yul la bzhud/ chos bsgyur 'phro rnams bsgyur/ blon 'bangs chos la dga' ba rnams ni mya ngan gyis non te bya thabs med par gyur to/ /
nyer drug pa/ de nas sbas stag rna can la sogs pa'i sdig blon ngan pa rnams dbang ches pas rgyal po khri glang dar ma dbu dum btsan bdud kyi sprul pa/ chos la mi dga' zhing / sdig pa'i sems dang ldan pa de/ rgyal sar bskos te rgyal khams la dbang byas so/ /dus der paNDi ta dA na shI las lha sa'i shar rme ru lha khang du mtshams bcad nas/ dzaM lha bsgrubs pas dka' bar byung ba dang / paNDi ta khros te/ dzaM lha 'jim gzugs de'i grod par mkhar sil gyi rting pas brgyab pas/
lcags kyi rdo rje yin zer ba'ang 'dug
grod pa nas gser mang po byung ba dang / de la rgyu byas te sku'i rten du kharsa pa Ni/ gsung gi rten du gser khri/ thugs kyi rten du dngul bya khun bu can rnams bzhengs/ de'i nye gnas kha che utpa las dngul gyi byams pa bzhengs/ dgongs dus kyi mchod pa btsugs/ dus