[A:146]can nas padma'i ze 'bru las/ /brdzus te 'khrungs pa'i sprul sku zur phud can/ / gangs ri'i mdog can rin chen rgyan gyis spras/ /yid 'ong gzugs mdzes mthong bas sems yid 'phrog /ngo mtshar mtshan dpes brgyan pa'i sprul sku 'di// bdag gi gdung brgyud 'dzin pa'i rgyal bu'am/ /sems can don mdzad sprul pa'i sku gcig lags/ /zhes gsol bas/ sangs rgyas snang ba mtha' yas kyis bka' stsal pa/ yan lag brgyad ldan padma rgyas pa'i mtsho/ /padma las 'khrungs rgyal sras sprul pa'i sku/ /thugs rje chen po 'phags pa spyan ras gzigs/ / kunda'i mdog can rin chen rgyan gyis mdzes/ /mtshan dpe ngo mtshar ldan pa'i sku mchog 'di/ khyod kyi rgyal brgyud 'dzin pa'i 'os min cing / /mtha' 'khob kha ba can gyi rgyal khams der/ /thugs rje chen pos 'gro ba'i don mdzad pa/ /gang la gang 'dul sprul pa'i sku gcig lags/ /zhes gsungs so/ /de'i tshe sa yang rnam pa drug tu g.yos te lha rnams kyis me tog gi char phab bo/ /de nas sangs rgyas snang ba mtha' yas kyis sprul sku de'i dbu la phyag bzhag nas bka' stsal pa/ rigs kyi bu mtha' 'khob kha ba can na gnas pa'i sems can rnams 'das pa'i sangs rgyas rnams kyis kyang ma thul/ ma 'ongs pa'i sangs rgyas kyis kyang 'dul bar ma gyur/ da lta'i sangs rgyas rnams kyis kyang 'dul dka' ba de/ sngon gyi smon lam gyi mthu la brten nas 'dul bar 'gyur ba legs so/ /legs so/ kha ba can na gnas pa'i sems can rnams kyis/ 'phags pa khyed kyi sku mthong zhing / yi ge drug pa'i sgra thos nas/ de ma thag tu ngan song gsum las thar te/ bde 'gro mtho ris kyi lus thob par gyur cig kha ba can na gnas pa'i 'dre