[A:147]srin dang / gdon bgegs dang / sha za la sogs pa sems can rnams kyi mdangs 'phrog pa/ srog la bar du gcod pa de dag thams cad kyis 'phags pa khyed kyi sku mthong zhing yi ge drug pa'i sgra thos nas/ gnod pa'i bsam pa rab tu zhi ste/ phan bde dang snying rje byang chub kyi sems dang ldan par gyur cig kha ba can na gnas pa'i sems can stag dang / gzig dang / dom dang / dred dang / gcan gzan ma rungs pa gdug pa'i sems dang ldan zhing / ngar skad thos pa tsam gyis skrag par byed pa/ srog phrogs nas/ sha la za zhing / khrag la 'thung ba de dag gis 'phags pa khyed kyi sku mthong zhing / yi ge drug pa'i sgra thos pa tsam gyis gdug pa'i bsam pa rab tu zhi nas/ phan tshun pha ma ltar byams pa la gnas par gyur cig kha ba can na gnas pa'i sems can gang dag bkres dang skom pas lus gzir cing / sdug bsngal la nyam thag pa de dag thams cad 'phags pa khyed kyi sku mthong zhing / yi ge drug pa'i sgra thos pa tsam gyis zas skom bdud rtsi'i char bab nas/ ci 'dod pa'i yid tshim ste/ bkres skom gyi sdug bsngal rab tu zhi bar gyur cig kha ba can na gnas pa'i sems can ngan pa dang / long ba dang / nad pa dang / dbang po ma tshang ba dang / mgon med cing skyabs med par gyur pa de dag thams cad kyis/ 'phags pa khyed kyi sku mthong zhing / yi ge drug pa'i sgra thos pa tsam gyis nad thams cad las yongs su thar zhing / dbang po thams cad tshang la mthu stobs dang ldan par gyur cig kha ba can gyi sems can rnams kyis 'phags pa khyed kyi sku mthong ba dang / 'chi ba'i tshe bsring bar gyur cig na ba'i sman chen por gyur nas nad las thar bar gyur