[A:148]cig mgon med pa rnams kyi mgon du gyur cig skyabs med pa rnams kyi skyabs su gyur cig mtha' 'khob kha ba can gyi yul du/ yi dam lha'i skal ba ni thugs rje chen po yin no/ /yi dam khyed la brten nas ma 'ongs pa'i dus su mtha' 'khob der sangs rgyas dang byang chub sems dpa' dpag tu med pa byon nas/ sangs rgyas kyi bstan pa dar zhing rgyas par 'gyur ro/ /chos kyi skal ba ni yi ge drug pa 'di yin te/ snying po 'di la brten nas/ ma 'ongs pa'i dus su mtha' 'khob der/ sangs rgyas kyis gsungs pa'i chos thams cad dar zhing rgyas par 'gyur te/ dam pa'i chos la longs spyod par 'gyur ro/ /oM ma Ni padme hU~M| yi ge drug pa 'di ni sangs rgyas thams cad kyi dgongs pa gcig tu bsdus pa'i bdag nyid/ chos kyi phung po brgyad khri bzhi stong gi rtsa ba gcig tu bsdus pa'i snying po/ sangs rgyas rigs lnga dang gsang ba'i bdag po rnams kyi snying po yig 'bru re re nas bsdus pa'i gzungs sngags/ dge legs dang yon tan thams cad kyi 'byung gnas/ phan bde'i dngos grub thams cad kyi rtsa ba/ mtho ris dang thar pa'i lam chen po yin no/ /oM ma Ni padme hU~M/ chos thams cad kyi snying po gsung mchog yi ge drug pa 'di lan cig mthong bas kyang / phyir mi ldog pa'i sa thob ste/ 'gro ba sgrol ba'i ded dpon du 'gyur ro/ /thos pas kyang bde 'gro mtho ris kyi lus thob ste/ 'gro ba sgrol ba'i ded dpon du 'gyur ro/ /grog sbur ram/ dud 'gro 'chi kha ma'i rna bar thos na/ lus de las grol te bde ba can du skye bar 'gyur ro/ /dran pas kyang gangs la nyi ma phog pa dang 'dra ste/ tshe thog ma med pa nas bsags pa'i las ngan gyi sdig sgrib thams cad dag nas/