[A:149] bde ba can du skye bar 'gyur ro/ /reg na sangs rgyas dang byang chub sems dpa' dpag tu med pa'i dbang bskur thob pa yin no/ /lan cig bsgom pa tsam gyis thos bsam sgom gsum gyi go chod nas/ snang tshad chos skur shar/ 'gro don phrin las kyi gter kha phye ba yin no/ /lus la bcang na rigs kyi bu de'i lus sangs rgyas kyi ring bsrel du gyur nas/ bzhi brgya rtsa bzhi'i nad kyis mi tshugs shing / me dang / chu dang / dug dang / mtshon dang / steng 'og gi gdon la sogs pa gang gis kyang mi tshugs par 'gyur ro/ /yi ge drug pa 'di rin po che'am/ ras sam/ shog gu'am/ shing shun nam/ tha na sa dang / rdo la sogs pa la bris na chos kyi phung po brgyad khri bzhi stong 'bri ru bcug pa yin te/ tshe 'dir bde skyid la longs spyad nas/ tshe gcig lus gcig la sangs rgyas pa'i 'bras bu thob par 'gyur te/ de la the tshom dang yid gnyis ma byed cig gzhan yang ri'i rgyal po ri rab srang la gzhal bar nus kyi/ yi ge drug pa lan cig bzlas pa'i bsod nams kyi tshad ni sus kyang bgrang bar mi nus so/ /rdo rje'i brag la kA shi ka'i ras kyis lo brgya brgya na lan re phyis na zad par nus kyi/ yi ge drug pa lan cig bzlas pa'i bsod nams kyi tshad ni sus kyang bgrang bar mi nus so| |rgya mtsho chen po'i chu thigs pa re re nas bgrang bar nus kyi/ yi ge drug pa lan cig bzlas pa'i bsod nams kyi tshad ni sus kyang bgrang bar mi nus so/ kha ba can gyi rdul phra rab rtsi shing nags tshal rnams re re nas bgrang bar nus kyi| yi ge drug pa lan cig bzlas pa'i bsod nams kyi tshad ni sus kyang bgrang bar mi nus so/ /de bzhin du/ khang pa dpag tshad brgya til gyis bkang ste nyin