[A:150]re bzhin rdog po re re nas phyir bskyur na zad par nus kyi/ yi ge drug pa lan cig bzlas pa'i bsod nams kyi tshad ni sus kyang bgrang bar mi nus so/ /zla ba bcu gnyis su nyin mtshan med par char gyi rgyun mi chad par 'bab pa'i rdog po re re nas 'dren par nus kyi/ yi ge drug pa lan cig bzlas pa'i bsod nams kyi tshad ni sus kyang bgrang bar mi nus so/ /'di lta ste/ rigs kyi bu mang du brjod mi dgos kyis/ nga dang 'dra ba'i de bzhin gshegs pa bye ba la bsnyen cing bkur bas mnyes par byas pa'i bsod nams kyi tshad ni bgrang bar nus kyi| yi ge drug pa lan cig bzlas pa'i bsod nams kyi phung po'i tshad ni sus kyang bgrang bar mi nus so/ /oM ma Ni padme hU~M/ oM gyis lha skye 'chi'i sdug bsngal sel/ ma yis lha ma yin 'thab rtsod kyi sdug bsngal sel/ Ni yis mi skye rga na 'chi'i sdug bsngal sel/ pad kyis dud 'gro bkol spyod kyi sdug bsngal sel/ me yis yi dwags bkres skom gyi sdug bsngal sel/ hU~M gis dmyal ba tsha grang gi sdug bsngal sel/ sangs rgyas kun gyis bsngags gyur pas/ /dam chos thams cad bsdus pa'i bcud/ /'gro ba kun gyi dpal du shar/ /yi ge drug pa'i dbang cig bskur/ /sangs rgyas kun gyi snying po'i dbang / /de ring khyed la bskur bar bgyi/ /sangs rgyas thams cad 'dus nas ni/ /rig sngags rgyal po'i dbang cig bskur/ /oM ni sbyin pa'i pha rol phyin/ /ser sna med pa'i bcom ldan 'das/ / sangs rgyas kun 'dus chos kyi sku/ /dbang bskur byin gyis brlab tu gsol/ / ma ni bzod pa'i pha rol phyin/ khro ba med pa'i bcom ldan 'das/ /bde ba chen po longs spyod rdzogs/ /dbang bskur byin gyis brlab tu gsol/ /Ni ni tshul