[A:151]khrims pha rol phyin/ /nyon mongs skyon bral bcom ldan 'das/ /sku gsum lhun grub sprul pa'i sku/ /dbang bskur byin gyis brlab tu gsol/ /pad ni bsam gtan pha rol phyin/ /rnam g.yeng med pa'i bcom ldan 'das/ /shes bya thams cad mkhyen pa'i sku/ /dbang bskur byin gyis brlab tu gsol/ /me ni brtson 'grus pha rol phyin/ /le lo med pa'i bcom ldan 'das/ /mkhyen brtse 'gro la khyab pa'i gsung / /dbang bskur byin gyis brlab tu gsol/ /hU~M ni shes rab pha rol phyin/ /phrin las kun 'dus bcom ldan 'das/ /mthu stobs gcig tu bsdus pa'i thugs/ /dbang bskur byin gyis brlab tu gsol/ /gsung yi ge drug pa rdo rje'i sgra/ /sangs rgyas kun gyis byin brlabs pa'i/ /chos kyi snying po bla na med/ /dbang bskur byin gyis brlab tu gsol/ dbang bskur dri ma dag chu lhag ma yar lud pas/ spyi bor 'od dpag med pas dbu brgyan par gyur/ oM ni ye shes lnga dang ldan/ /ma ni thugs rje kun la khyab/ /Ni yis 'gro drug 'dren par byed/ /pad kyis sdug bsngal thams cad zhi/ /me yis sdig sgrib sreg par byed/ /hU~M gis yon tan thams cad 'das/ /yi ge drug pa'i byin rlabs kyis/ kha ba can pa'i sems can rnams/ /thar pa'i lam la 'khod par shog /rgyal ba kun gyis byin brlabs pa'i/ /yang snying 'dus pa'i snying po 'di/ /phan bde kun gyi 'byung gnas yin/ /dngos grub kun gyi rtsa ba yin/ /mtho ris bgrod pa'i skas ka yin/ /ngan song 'gog pa'i sgo mo yin/ /'khor ba sgrol ba'i gru gzings yin/ /mun pa sel ba'i sgron me yin/ /dug lnga 'joms pa'i dpa' bo yin/ / sdig sgrib bsreg pa'i me dpung yin/ /sdug bsngal brdung ba'i tho ba yin/ /