[A:153]grang gi sdug bsngal zhi bar byas/ de nas yi dwags kyi yul du byon/ yi ge drug pa'i chos bshad/ phan pa dang bde ba la bkod/ bkres skom gyi sdug bsngal zhi bar byas/ de nas dud 'gro'i gnas su byon yi ge drug pa'i chos bshad/ phan pa dang bde ba la bkod/ bkol spyod kyi sdug bsngal zhi bar byas/ de nas mi'i gnas su byon yi ge drug pa'i chos bshad/ phan pa dang bde ba la bkod/ skye rga na 'chi'i sdug bsngal zhi bar byas/ de nas lha ma yin gyi gnas su byon yi ge drug pa'i chos bshad/ phan pa dang bde ba la bkod/ lha ma yin 'thab rtsod kyi sdug bsngal zhi bar byas/ de nas lha'i gnas su byon yi ge drug pa'i chos bshad/ phan pa dang bde ba la bkod/ lha 'chi ltung gi sdug bsngal zhi bar byas so/ /de nas mtha' 'khob kha ba can gyi rgyal khams su byon te gzigs pas/ stod mnga' ris skor gsum rdzing dang 'dra ste/ ri dwags kyi gling du 'dug de rnams la yi ge drug pa'i chos bstan nas/ phan pa dang bde ba la bkod par mdzad/ smad mdo khams sgang gsum zhing dang 'dra ste/ bya'i gling du 'dug de rnams la yi ge drug pa'i chos bstan nas/ phan pa dang bde ba la 'khod par mdzad/ bar dbus gtsang ru bzhi yur ba dang 'dra ste/ gcan gzan gyi gling du 'dug de rnams la yi ge drug pa'i chos bstan nas/ phan pa dang bde ba la bkod par mdzad do/ /de nas lha sa dmar po ri'i rtse la byon te/ yar la gzigs pas/ 'o thang gi mtsho 'di dmyal ba mnar med kyi gnas su 'dug cing / sems can khri phrag du ma btso sreg dang / bkres skom gyi sdug bsngal bzod brlag med pa/ nyam thag pa'i skad ngan sna tshogs 'don cing 'dug pa rnams gzigs pas/