[A:168]skyabs sing dang / dmag brgya pa gnyis lhan du skyes so/ /rgyal srid la ma 'cham pa'i dus su/ dmag brgya pa la bu gsum byung ba'i chung shos/ skyes bu chen po'i mtshan dang ldan pa zhig rgyal srid la dbang ma thob par/ lhas lung bstan pa bzhin/ bu mo'i chas su byas te bod kyi yul du spyugs pa yin kyang zer la/ bu ston rin po che'i chos 'byung na/ ko sa la'i rgyal po gsal rgyal gyi brgyud lnga tshigs sam/ rgyal po gzugs can snying po'i brgyud lnga tshigs sam/ yang na bad sa la'i rgyal po 'char byed kyi bu/ skyes bu chen po'i mtshan dang ldan pa zhig yin par gsungs la/ gang ltar na yang / rje gnya' khri btsan po yin par don mthun no/ /de'ang bod kyi yig tshang las/ dang po lha ri rol po'i rtse la babs te gzigs pas/ gangs yar lha sham po mtho ba dang / yul yar lung bzang bar mkhyen nas/ btsan thang gong ma'i ri la babs pas/ phyugs skyong ba'i rdzi'u rnams kyis mthong ste/ rtsar byung nas gang nas 'ong dris pas/ gnam la mdzub mo ker ba dang / 'di ni nam mkha' nas 'ong ba'i lha sras yin par 'dug pas/ 'o cag rnams kyi rje bcol lo zer te/ gnya' bar khri byas btegs nas 'ong pa na| rje gnya' khri btsan po zer te/
sangs rgyas mya ngan las 'das nas lo nyis stong song ba na/
bod kyi rgyal po la snga ba de yin no/ /des pho brang 'um bu bla mkhar brtsigs/ de'i sras mu khri btsan po/ de'i sras ding khri btsan po/ de'i sras so khri btsan po/ de'i sras me khri btsan po/ de'i sras gdags khri btsan po/ de'i sras srib khri btsan po/ 'di yan ni gnam gyi khri bdun zer te/ sras rnams kyis rim pa bzhin chib kha thub tsa na/ yab rnams rim pa bzhin du rmu thag la byas nas/