[A:122]dga' ste/ kha 'cham par dpon du bskos te khur bas na/ mang pos bkur ba'i rgyal po zer te/ rgya gar gyi rgyal po la snga ba de yin no/ /de'i sras 'od mdzes/ de'i sras dge ba/ de'i sras dge mchog de'i sras gso sbyong 'phags yin te/ sngon gyi rgyal po sde lnga zer ro/ /gso sbyong 'phags kyi sras/ khye'u nga las nu yin/ de'i sras mdzes pa/ de'i sras nye mdzes/ de'i sras mdzes can/ de'i sras mdzes ldan yin te/ 'di rnams la 'khor los sgyur ba'i rgyal po lnga zer ro/ / de'i sras rgyal po mchog sbyin/ 'di'i skabs su tshe lo bzhi khri pa'i dus yin pa/ rgyal po yab sras 'di gnyis kyi dus su sangs rgyas 'khor ba 'jig rgya gar du byon nas dam pa'i chos gsungs pa yin no/ /rgyal po mchog sbyin gyi sras/ rgyal po nor bu/ de nas rgyal rabs sum brgya'i mthar kun nas 'od ces bya ba'i rgyal po byung / de'i sras rgyal po tsandha/ 'di'i skabs su 'dzam bu gling pa tshe lo sum khri pa'i skabs yin pas rgyal po yab sras 'di gnyis kyi dus su sangs rgyas gser thub rgya gar du byon nas dam pa'i chos gsungs pa yin no/ /de nas rgyal rabs sum brgya'i mthar/ rgyal po ratna chen po/ de'i sras rgyal po kri kri byon te/ de'i skabs su 'dzam bu gling pa tshe lo nyi khri pa'i skabs yin pas rgyal po yab sras 'di gnyis kyi dus su sangs rgyas 'od srungs 'jig rten du byon nas dam pa'i chos gsungs pa yin no/ /de nas yul gru 'dzin du rgyal rabs nyis brgya 'das pa'i rjes su rgyal po rna ba can zhes bya ba byung / de la bu gnyis yod pa/ che ba'i ming gau ta ma/ chung ba'i ming bha ra dhwa dza/ gau ta ma rab tu byung / bha ra dhwa dzas rgyal po byas pas/ sras ma 'khrungs par/ bha ra dhwa dza log lta skyes