[A:189]bcu gcig pa/ rgyal po'i thugs dam gyi lha rgya gar dang / bal po'i yul nas spyan drangs pa'i skor/ des nas sprul pa'i rgyal po chen po de'i thugs kyi dgongs pa la/ bdag gis mtha' 'khob kha ba can gyi yul 'dir/ sems can gyi don byed pa la/ yi dam gyi lha zhig bzhengs dgos te/ de'i rgyu ni rin po che gser dngul las byas na ni/ ma 'ongs pa'i dus su sems can bsod nams dman pas dus kyi tha ma la bshigs pa'i daugs yod/ sa dang rdo las byas na ni rgyu ngan/ shing gi rigs la byas na ni 'gas/ bdag gi yi dam gyi lha bzhengs pa'i rgyu gang legs dgongs te/ 'phags pa la gsol ba btab pas/ tho rangs kyi dus su sangs rgyas dang / byang chub sems dpa' dang / 'phags pa nyan thos dang / lha'i bu dang bu mo la sogs pa thams cad sprin 'dus pa ltar/ mdun gyi nam mkha' la byon nas/ 'phags pa 'jam dpal dang / 'phags pa kun tu bzang po gnyis kyis/ rin po che'i bum pa bdud rtsi'i chus gang ba phyag tu bzung nas/ rgyal po la dbang bskur/ sku khrus gsol lo/ /sangs rgyas thams cad kyis byin gyis brlab par mdzad/ byang chub sems dpa' thams cad kyis bkra shis brjod/ lha'i bu dang bu mo rnams kyis sprin gyi gseb nas lus phyed thon tsam byas nas/ lha'i rol mo sna tshogs kyis mchod pa byed cing me tog gi char phab bo/ /de ma thag tu rgyal po'i sku la 'od zer sna tshogs pa zhig 'phros nas/ mtha' 'khob kha ba can gyi yul thams cad 'od zer gyis khyab par byas nas gang la gang 'dul gyi sprul pa re res sems can gyi don byas nas/ mtha' 'khob de yang rin po che'i gling lta bur gyur to/ /de nas lha rnams kyis mgrin