[A:210]lus kyi bkod pa lnga stong du sprul nas/ dge ba bcu'i khrims nyi ma gcig la 'cha' nus pa byed do/ /de ngo mtshar mi che'am/ de ltar byas kyang bu mo mi ster na/ ngas sprul pa'i dmag khri phrag lnga btang nas/ khyed bsad/ lha gcig phrogs/ yul khams thams cad bcom la bzhag go zhes bya ba 'dug pas/ rgyal po de shin tu skrag par gyur te/ skrag kyang mi skrag pa ltar byas nas/ khyed bod kyi rgyal po de kha pho shin tu che bar 'dug khyed bod kyi yul na gtsug lag khang brtsig pa'i nus pa'i stobs yod dam med/ de bzhin yod na bu mo ster/ med na mi ster/ da lan song la dris la shog gsungs pas/ yang mgar gyis bka' shog gi shog dril bar pa de rgyal po'i phyag tu phul nas/ 'phrin re re la bod du 'gro ba mi 'ong bas/ rgyal po khyed kyi gsung de'i lan 'di lags pas gzigs par zhu byas pa dang / rgyal pos kha phye nas gzigs pas 'di ltar ro/ khyed rgya nag gi yul na chos dar/ gtsug lag khang brtsig pa'i stobs yod/ nga bod kyi rgyal po la gtsug lag khang brtsig pa'i nus pa med de/ rgyal po khyed gtsug lag khang brtsig pa la dgyes nas/ lha gcig ster na/ ngas sku lus kyi bkod pa lnga stong du sprul nas/ gtsug lag khang brgya rtsa brgyad bzhengs la/ sgo thams cad khyed kyi phyogs su bstan no/ /de ngo mtshar mi che'am/ de ltar byas kyang bu mo mi ster na/ ngas sprul pa'i dmag khri phrag lnga btang nas/ khyed gsod/ lha gcig phrogs/ yul khams thams cad bcom la bzhag gi zer ba 'dug pas/ rgyal po de shin tu skrag par gyur to/ /der skrag kyang mi skrag pa khad byas nas/ khyod kyi rgyal po de kha pho shin tu che bar 'dug khyod kyi yul na 'dod yon lnga la longs spyod pa