[A:62]te/ rdo rje snying 'grel shes sam byas pas/ de los mkhyen der ma zad/ spyir gsang sngags tsam la mkhas khyad par du dpal dus kyi 'khor lo'i 'grel pa chen mo yang mkhyen zer/ zhus na gnang ngam dris pas/ spyir bka' dog ste da lta bal yul du gshegs pa'i zhabs tog pa med pas 'gro nus na gnang 'ong zer/ sum pa rdo rje gzhon nus zhus sna byas nas paN chen dang / bla ma gnam brtsegs gnyis/ kye rdor rtsa sngags dang / de bzhin gshegs pa'i yi ge brgya pa la zhu tig mdzad pa'i skabs su mjal te chos 'brel zhus pas/ sngags gnyis po la bshad pa mdzad nas gsungs/ chang dkar yol gang gnang / paN chen gyis gser thig po dang / gla rtsi'i rkyal pa mang po bstan nas/ 'di rnams khyod kyis bal yul du khur nus shing mgo thon na/ sang res nga bod du 'ong dus chos sbyin no gsungs pas/ sgom pa tshul grags la dpe cha bcol ba len du byon pas/ khyod gar 'gro zer ba la sngar gyi lo rgyus bsnyad pas/ paNDita la chos mi khugs/ sngar yang mang pos ma khugs pa yin/ de bas paNDi ta'i chos ma lus pa mkhyen pa nged kyi bla ma nor bzangs na bzhugs byas pas/ blo 'gyur te ston pa rgyal ba 'od/ sgom pa dbang bsod/ sgom pa tshul khrims grags rnams kyis zhus sna byas/ sgro ston la zhu rten du gser zho 'ga' zhig dang / dung chos legs pa gcig /ka pA la gcig phul bas/ khyod kyis 'di tsho la nye bzang / sog 'dul ba 'dzin pa de btsun pa zas za mi shes gos gyon mi shes pa thams cad la zhal 'chos pha ltar byed pa yin zer/ de'i thugs zin khyod yin par 'dug pas/ yon tan gcig yod pa yin te 'ong gsungs nas chos gnang bar zhal gyis bzhes/ bla ma dgung lo bdun cu rtsa gnyis pa la zhal mjal te/ lo bzhi bar med du bsten nas 'grel pa skor gsum gyi gzhung man ngag dang bcas pa dang / mtshan brjod man ngag gi bshad pa dang / gsang 'dus sgron gsal la sogs gsan pa'i