[A:63]dus su/ bla ma bag tsam bsnyung ba na/ gtsang ston 'di la chos ma rdzogs kyi bar du ma gsad ces mkha' 'gro ma la gsol ba btab nas gdams pa thams cad rdzogs par gnang ngo / / mthar yang dbang bzhi pa gnang / bdag po che'i dbang bskur mdzad nas 'dis rgyud kyi bka' gnang khrol ba yin/ skal ldan ma gtogs pa la ma bshad gsung ste/ rdo rje lag tu gtad/ rgyud 'di khrid dang bdag po'i dbang ma thob pa la mi 'chad pa yin/ dpe tsam gyis mi 'khrol bas/ lan gsum yan chad thos nas tshig zin don go bas bla ma la tshur bzlas shing gtan la dbab dgos pa yin gsung / dgung lo lnga bcu pa la 'u yug tu byon nas nub ma'i mda' rgyal khab zhes par gzhi phab ste/ phur dben gnas kyang mdzad gag tshang gi phu'i brag tu'ang thugs dam yun ring du mdzad pas grub pa thob ste/ dbang rgyud bshad man ngag mang du gsungs/ gsal sgron bzhi dang gces bsdus la sogs pa'i gdams pa'i bstan bcos kyang mang du mdzad nas/ dgung lo brgyad cu'i bar du bzhugs te/ bstan pa la bya ba rgya cher mdzad pa yin no/ /slob ma yang sras mchog dharme shwa ra/ wa brag dkar ba/ gnyal pa gro/ gnyos kyi khung ba/ grub thob dharma bo dhi/ mkhas pa tre bo mgon po/ se chos kyi mnga' bdag la sogs pa mang du byon no/ /yu mo'i sku sras dhame shwa ra ni/ yab dgung lo lnga bcu rtsa lnga'i tshe 'u yug rgyal khab tu 'khrungs/ skyes stobs kyi thugs rab shin tu che zhing / mtshan chos kyi dbang du btags/ chos 'di la sngon gyi bag chags sad de/ yab la legs par gsan nas/ dgung lo bcu gnyis pa la dbang mdor bstan gsungs/ bcu drug pa la mi chen mang po la sems 'grel gsum ga gsungs/ bcu bdun pa nas lo re la rgyud 'grel dus chos su gnang / nyer lnga tshun la yab kyi yon tan bum pa gang byo'i tshul du mkhyen/ spyir yab kyi zhal slob dge bshes