[A:64]che dgu mtha' dag la gtugs nas/ spyod phyogs dbu tshad/ lam rim rgyud sde mang po dgung lo sun cu'i bar du gsan cing sbyangs/ dpyal kun dga' rdo rje/ sa chen/ rgya gling ba la sogs mkhas pa mang po rtsod pas zil gyis mnan te mkhas pa'i grags pas sa steng thams cad khyab/ gtsang g.yas ru shangs rtse gdong gi shar phyogs smon mkhar gyi grong chung dgon par phal cher bzhugs nas spyod phyogs dang / tshad ma dang / 'phags skor sogs kyang gsung zhing gtso bor chos 'di'i sgo nas bstan pa'i sgron me 'bar bar mdzad do/ /'di'i slob ma mkha'agasar ba nam mkha' 'od ni/ 'gos dbang gtsan la rigs tshogs gsan pas/ sde snod mtha' dag la mkhas pa/ sras mchog dharme shwa ra las sems 'grel skor gsum gzhung gdams ngag ma lus pa gsan te/ rgyud 'grel chen mo'i bshad pa byang ba/ yan lag drug gi nyams rtogs khyad par can 'khrungs pa zhig go /gnyis pa sras grub thob sen mo che ba ni/ ljags mi bde yang chung ngu nas klog ma bslabs par mkhyen/ yab la dbang rgyud bshad gdams ngag dang bcas pa thob cing / sprul sku jo 'bum las kyang 'grel chung padma can dang / sgrub thabs man ngag phran bu mang po thob/ slar yang mkhas pa nam mkha' 'od las rgyud 'grel gyi zab bshad dang / yu mo'i bstan bcos 'ga' zhig dang / yab kyis mdzad pa'i ro bcud stong thun la sogs pa dang / 'bro lugs kyi gsung sgros 'od zer phreng ba dang / rje btsun khyung gis mdzad pa'i dri med rgyan rnams gsan cing / de dag kyang lan re la thugs su chud cing / mi brjed pa'i gzungs thob/ rab tu byung pa'i mtshan nam mkha' rgyal mtshan zhes btags/ bla ma gye re ba dang / rtse gdong pa sogs la chos drug phyag chen bde mchog sogs gsan/ rdo rje'i rnal 'byor la thugs dam snying por mdzad pas gang snang stong gzugs kho nar shar la mngon par mkhyen pa thogs