[A:65]med du mnga'/ gzhan gyi sems shes pa'i mngon shes 'dzem med du gsungs pas 'ga' zhig mos kyang phal cher skrag cing bag tsha bar gyur pas/ bla ma rtse gdong pas bka' rgya btab nas phyis snod ldan re re tsam las gnang du mi bzhed/ gtsang gi 'o lung se mo cher bzhugs pas grub thob se mo che bar grags/ lcam jo 'bum mkha' spyod la gshegs pa'i dus mchod kyi skabs su/ zla ba phyed kyi bar du mi g.yo bar ting nge 'dzin gyi sgo mang po la gsar la/ /'od gsal chen por mnyam bzhag dus/ /sngon gyi skye ba dran zhing gsal/ / dper na gnyid sad rmi lam bzhin/ /sngon 'das dus na 'jig rten khams/ /'od zer kun nas 'phro zhes par/ /bskal pa chen po bzang ldan la/ /bcom ldan bde gshegs rdzogs sangs rgyas/ /dri med sgron ma zhes pa byon/ /rgyal sras zla ba dri med dang / /nyi ma'i snying po zhes pa byung / /bdag gi 'dzam gling sa yi bdag /'khor los bsgyur ba stobs po che/ / gtsug gi nor bu zhes byar skyes/ /lha mdzes 'od mdzes nyi mdzes gsum/ /btsun mo'i mchog yin gzhan nyi brgya/ /dpal 'bar zla 'od snying rje sogs/ /sras ni gzhon nu sum brgya yod/ /blo gros snying po la sogs pa'i/ /blon po dam pa nyi khri yod/ /rgyal phran 'bangs bcas brgya khri yod/ /pho brang 'tshob bzang po zhes/ /mchu zheng dpag tshad bzhi bcu pa/ /de na rgyal srid 'dod yon la/ /kun nas spyod cing gnas pa na/ /sems dpa' gnyis po der byon nas/ /sangs rgyas 'khor bcas mchod pa dang / /chos ni nyan par bskul gyur kyang / / bdag ni rgyal po'i dregs pa yis/ /sems dpa' gnyis kyi bka' bcag cing / /brnyas te dus su ma nyan to/ /phyi zhig rgyal po 'gyod gyur nas/ /sems dpa' gnyis la mdongs gsol te/ /sangs rgyas 'khor bcas rtag mchod cing / /dam pa'i chos kyang nyan zhing