[A:66]bsgoms/ /de nas bdag ni tshe 'phos te/ /byang chub sems dpa'i ngag bcag cing / /brnyas pa'i sdig pas lhung gyur te/ /phug ron skye ba brgya blangs shing / /de nas bya rgod lus nyi shu/ / byi'u sum cu skya ka bcu/ /ne tso bzhi bcu khrung khrung gi /skye ba lnga bcu lha yul du/ /shang shang te'u'i lus bcu gsum/ /de nas pu shud lus drug cu/ /chu bya lnga bcu rma bya bcu/ /sbrang bu nyi shu sbyar bcu gsum/ /de nas mir skyes dman long la/ /tshe lo drug cur sdug bsngal myong / / de nas rigs ngan skyugs shing dbul/ /nad kyis lo ni lnga bcur gtses/ /slar yang grog ma'i skye ba gsum/ /ra lnga khyi gsum rta lnga dang / /mtha' mar lug ni dkar por skyes/ /rje bos 'ur rdo 'phangs pas shi /ro de rnal 'byor pa bzhis khyer/ /brag phug dben par tshogs 'khor byas/ /de yis mir skyes bdag rang yin/ /ngan 'gro zad mod sdig lhag gis/ /mig mi gsal zhing lce mi bde/ /rna ba 'on pa 'di lags so/ /rdzogs sangs rgyas la bsnyen bkur zhing / /theg pa chen po'i chos thos pas/ /da lta dam pa'i rigs su skyes/ /bla ma grub thob mchog dang mjal/ /zab lam rnal 'byor yan lag drug /nyams su len 'di byung pa yin/ khyad par ma gcig 'das mchod dus/ /phyag rgya chen po'i rang nyams la/ /ye shes mkha' 'gro rnam lnga byon/ /de rjes bde mchog dkyil 'khor mthong / /mi bskyod snang ba mtha' yas dang / /'jam dpal sgrol ma spyan ras gzigs/ /phyag na rdo rje stobs po che/ / mi g.yo ba dang byams pa mgon/ /de rnams kyi ni sku mthong gsal/ /de rjes dang po'i sangs rgyas kyi/ /brgyud pa'i bla ma rnams byon te/ /phyag na yid bzhin nor bu bsnams/ /zhal nas gdams pa'i bdud rtsi stsal/ khyod ni 'di'i 'og rol tu/ /rab tu dga' ba'i sa grub nas/ / gtsang ma'i gnas su nyer 'gro zhing / /sems can ther 'bum mang po yi/ /don yang 'grub par gyur ces gsungs/ /zhes sogs mang du gsungs shing / da ni kho bo skye ba bcu drug na