[A:74]mtshan phyi nas sems/ /de ltar bsams na thub bstan dang / /sems can kun la phan pa byas/ /nga yi 'bad pa don dang bcas/ /de ring kho bo'i bsam pa rdzogs/ /zhes gsungs/ dgung lo bco lnga pa nas lo bcu'i bar du gsan sbyong mdzad pas bum pa gang byo'i tshul du mkhyen/ de nas yab kyi zhal nas/ chos rje 'jam gsar ba dang skye ba snga ma nas las 'brel yod pas de'i drung du songs shig ces brdzangs te/ 'jam gsar ba grub khang na bzhugs pa'i drug du byon nas/ gshed dmar gyi dbang gsan pa'i tshe bla ma gshin rje gshed du gzigs/ gzhan nang dbang byin rlabs/ phar tshad sogs gzhung gdams ngag mang du gsan/ chos rje'i zhal nas/ gzhan blo bum nang nam mkha' tsam/ /'di blo phyi rol nam mkha' 'dra/ /de phyir 'di blo mtshungs med de/ /ma byung 'byung ba shin tu dkon/ /zhes tshogs su bsngags par mdzad do/ /grub thob se mo che ba la dus 'khor gsan du byon pas/ chos 'di la ngas dam du byas pa yin cing / gdams ngag dang rgyud rdzogs par zhu ba la bla ma lo mang du bsten dgos pa yin/ nga las 'jam gsar ba rgyud mtho bar 'dug /khong 'jam dpal dngos su mthong bas ngas thams cad dus gcig la byin nas/ chos 'di'i bdag po khong la gtad pa yin pas/ khyod rang yang chos 'di 'dod na khong la zhus/ khyed gnyis skye ba mang po'i dpon slob yin gsung nas/ chos 'brel dang byin rlabs gnang de nas grub khang du 'jam gsar ba la dus 'khor gyi dbang gsan pa'i dus kyi tshe/ bla ma rdo rje shugs dngos su gzigs/ 'di ltar gda' zhus pas/ rdo rje shugs dngos yin snyam pa'i dpa' yod pa yin/ 'o skol dpon slob la bgegs kyis mi tshugs gsungs/ ye shes phab dus saM skra ta'i skad mang du byung pas kha che paN chen gsang 'dus la mkhas pa'i bag chags sad par 'dug gsung / dkyil 'khor du zhugs pa'i tshe ye shes kyi dkyil 'khor mngon sum du gzigs/