[A:75]chen dge ba'i bshes gnyen yongs su dag pa zhig gang na yod pa btsal bar bya'o snyam pa nyin mtshan du thugs la 'khrungs pa'i skabs zhig tu/ spa skong dbon po zhes bya ba/ chos rje rje btsun red mda' ba'i grwa pa yin pa'i dge bshes phar tshad kyi ston pa dbus gtsang na bzang tshad du byed pa gcig yod pa de dpon slob 'ga' res rje btsun chen po'i zhabs drung nas dbus phyogs su 'byon rtsis mdzad| de phyir lam byang 'grims byas/ stag tshang rdzong kha na chos rje lo chen thams cad mkhyen pa 'chad nyan dmar ba'i sgang la bzhugs pa dang 'byalmjal / dang por ston pa bzang pa'i nga rgyal gyis sgro sleng [-] gleng thar thor gtong pa'i zhu spobs byas na'ang / nyi ma 'ga' zung nas / chos gsung ba dang 'bel gtam mdzad pa'i gsung zer gyi nyi ma bzod par dka' bas blo gros kyi mig long / dad pa'i pad mo rang dbang med par rgyas/ bstod tshig gi dri gsung phyogs thams cad du khyab par byed pa'i sbyor ba lhur blangs te/ dbus su phebs pas/ sems dpa' chen po 'di dang mjal/ khyod kyis gtsang la byon na| yar byonphyogs na da lta dge ba'i bshes gnyen khyad par can ci 'dra bzhugs 'dug ces gsungs pas na/ deng sang dpal ldan sa skya na/ rje btsun red mda' ba gzhon nu blo gros zhes bya ba/ yon tan gyis lus yongs su rdzogs nas 'chad rtsod rtsom pa'i bya bas dus 'da' nas bzhugs te/ de bas kyang gtsang stag tshang rdzong kha na/ lo tsA ba skyabs mchog dpal bzang po zhes bya ba/ bla ma de'i yang bla ma'i gtso bor 'dzin pa/ mkhas btsun bzang gsum gyi cha la gangs can na 'gran zla dang bral ba/ phyi nang gi gsung rab mtha' dag la blo