[A:76]gros dang spobs pa yongs su rdzogs pa zhig chos dka' chen bzhi/ rtsa 'jug bslab spyod la sogs pa gsung / deng sang gsang phu las kyang 'chad nyan dmar bar mdzad kyin 'dug pa'i drung du mar lam phyin nas/ chos kyi rnam grangs thogs gcig legs par thos shing / khyad par bla ma de'i byang chub kyi sems dang des zhing zhi ba'i ngang tshul bzang pos rang re'i nga rgyal gyi rnyogs pa lhag ma med par zhi bar byas so zhes nga ro drag po dang bcas te bshad pa na/ sngon sku skye dpag tu med pa'i snga rol nas dpon slob kyi 'brel ba khyad par can sngon du song pa dang / chos kyi rgyal po de'i tshogs gnyis kyi mthu dang / bdag nyid chen po 'di dge ba'i bshes gnyen don du gnyer ba'i 'dun pa drag po sos ka'i glang po tsha bas shin tu gdung pas chu'i sgra thos pa'am/ char 'dod kyi byi'us 'brug sgra thos pa ltar gyur pa rnams kyi mthus/ ji ltar 'phags pa rtag tu ngus sems dpa' chen po chos 'phags kyi mtshan thos pa bzhin du/ dpag par dka' ba'i bde ba dang / yid bde ba thugs la 'khrungs par gyur cing / ting nge 'dzin sgo du ma mngon du gyur pa dang mtshungs pa'i dga' ba dang / dad pa dang / gus pa dang / yon tan la dmigs pa'i yid la byed pa brjod kyis mi lang ba zhig skyes nas da ni rings par rings par yongs su rdzogs pa'i bshes gnyen de'i drung du 'gro bar bya'i snyam pa kho nas nyin mtshan 'das te zhal zas bzhes pa sogs kyang mi dran pa lta bur gyur to/ /de tshe tshe 'di'i longs spyod rgya chen rnams| |bstan dang dang po'i yongs 'dzin ched du gtang / /myur du du ma'i 'khor rnams spangs nas ni/ /skyabs mchog mchog tu gus pas bstain la