[A:77] 'dud| |ces pa ni/ de nas/ dang por khams nas gser dngul sogs kyi yo byad mang po bsnams byon pa rnams/ 'phral gyi yo byad dang / bla ma slob dpon gyi 'bul ba sogs la rgya cher gtang yang lhag ma rnams yar lungsklungs skor na gser sho len mkhan mang ba'i shugs kyis bed sher btang pa rnams 'phel nas gser zho brgyad cu tsam bstud rgyu yod pa rnams mgyogs par bsdus te/ de dus ja nag bsul dri ma shin tu bzang po dar ba'i dus yin pas ja dang bsgyur te/ dpal gsang phu ne'u thog dang / bde ba can dang / rtsesrtsed thang rnams su mang ja legs par bskol| bla ma dang slob dpon 'brel yod rnams la 'bul ba phun sum tshogs pa byas te/ spyir rgyal ba'i bstan pa dar rgyas yun ring du gnas pa dang / mdo khams sogs su gshegs pa'i bla ma gong ma rnams kyi thugs dgongs rdzogs thabs dang / da lta zhal bzhugs kyi bla ma spyi dang / khyad par chos kyi rgyal po lo chen stag tshang pa'i sku tshe dang 'phrin las rgyas shing bdag nyid kyi yang bzhed pa mtha' dag mnyes bzhin du bskong pa'i smon lam rgyas par mdzad/ /'phral gyi nam bza' shin tu bzang ba mang po yod pa rnams kyang 'bul 'gyed la rdzogs par btang / phyin chad/ bla ma de'i drung du phyag rten cung zhig ma gtogs pa/ bdog pa'i dngos po cung zad kyang med par byas nas bsod snyoms kyi 'tsho ba dang phyag dar khrod kyi gos dang shing drung gi gnas mal la sogs pa 'dod chung chog shes kho na lhur blangs te/ tshe 'di'i rnyed bkur thams cad la zhen pa gting nas log pa'i sgo nas tshe blos btang gi chos 'ba' zhig bya'o snyam pa mdzad nas/ phyag dpe thogs gcig ma gtogs