[A:87]bstan pa nyi mo ltar mdzad pa'i mkhas pa rnams pa gsum char gyi lung dang rtogs pa'i chos ma lus pa thugs su chud cing / rnyed bskur bsgrub pa gsum gyis mnyes par mdzad pas sras kyi thu bo dam par gyur te/ bdag nyid chen po 'di gsum char gyi chos rdzogs par shes nas rdzogs pa nyams su len pa ni gon 'jo nam 'od kho na yin no/ /zhes kun gyis mngon sum du bstod pa dang bsngags pa kho na mdzad par grags so/ /de yang lo chen ji ltar mnyes par mdzad tshul dang de'i gsung rab ji ltar bzung zhing spel tshul ni bshad cing / 'chad par yang 'gyur la rje gzhan gnyis kyang / lo chen gyis ma gnang bzhin du btsal ba sogs ma yin par/ bka' gnang nas rdzangs te/ zab pa dang rgya che ba'i chos kyi rnam grangs bsam gyis mi khyab pa gsan cing / rje btsun chen po'i drung du/ dpal ldan sa skya bas/ chos rje mnyes par gyur zhes zhal las thos/ tsong kha pa chen po'i drung du lo chen zhal bzhugs ring dang / gshegs rjes kyang lan mang du byon te/ mdo sngags kyi gsung rab mtha' dag gsan thun mong ma yin pa'i grub mtha' dang / mdo sngags kyi lam gyi rim pa'i gnad mtha' dag rdzogs par thugs su chud pas zhi bar gshegs kha'i lo'i bar du/ lugs 'di kho na la sbyangs pa che zhing dgyes la gtso bor mdzad/ zhi bar gshegs kha'i lo tsam nas/ chos rje lo chen gyi dbu ma'i grub mtha' la lung rigs kyi gtan tshigs mang du gzigs nas de'i bshad pa dang sgrub byed rgyas par mdzad do/ /rdo rje phreng bas thog drangs pa'i rgyud sde bzhi'i dbang bka' phal che ba ni/ shangs pa kun mkhyen chen po shesarab dpal bzang po'i drung du/ dus phyis gsan te/