[A:88] rgyas par kho bo'i thob yig na gsal lo/
gnyis pa ni/ de ltar rang gi chos yongs su rdzogs nas/ bstan pa dang sems can spyir dgos la bya ba rgya cher mdzad de/ 'di ltar/ khyad par skyabs mchog yab sras gdung 'tshob cing / /chos kyi rgyal srid kun la mnga' sgyur te// nag phyogs byams pa'i gsung gis 'joms mdzad pa'i/ /rgyal tshab zla med khyod la snying nas 'dud/ /ces pa ste/ gtso bor dwangs tshugs kyi phyag len dog phyogs nas 'gegs pa/ sings po ming du btags pa tsam yang mi bzhes pa dang | sha skam po la yang me rung ba mi byed pa dang / tshogs su dbyibs rung la brten pa dang / bla ma dang rten gyi drung du 'chil lham mi bsgo ba sogs pa rnams/ chos rje rnam gsum gyi nang nas kyang chos rje lo chen gyi phyag len gtso bor mdzad cing | chos 'khor gyi gdan sar ma phebs gong nas kyang / chos rje lo chen gyi nang rten dang phyi rten bzhengs pa dang / gtsug lag khang chen mo bzhengs pa sogs kyi do dam thig len mdzad de/ de dag gi ched du byang gi dur khrod du dge bskul la skabs dang skabs su byon cing / de la brten nas/ dus mchod gzhi rten gyi dge rgyu stobs chen 'dzugs pa dang / gtso bo dang tshugs kyi bslab khrims bca' yig 'cha' ba dang / de'i bdag mdzad nas 'phral du chos khrims pa'i bskau bzhag gdams ra'i do dam/ spyi bsod legs par bcas nas gzhir bzhugs kyi bsod snyoms bgos shing mi 'pher ba thams cad la skal ba khyad med du ster ba'i bka' srol khyad par yod pa'i dbu mdzad dge ba'i bshes gnyen gang bzang rnams rdzong ba sogs spyi bsod 'cha' ba'i do dam la sogs