[A:89]pa bya ba las kyi 'khor lo mtha' dag gi khur chen po bzhes pa dang / gtso bor mdo sngags kyi gsung chos nar mar gsungs te/ dgon pa 'di'i che sgres bcom ldan chen mo sogs re re gnyis ma gtogs mtha' dag 'khor du bsdus shing / chos kyi 'byor pas rtag par bskyangs te/ kun gyis zhabs spyi bor len cing / bka' tshul bzhin bsgrubs pas gdan sa'i tha snyad ma btags tsam ma btogs/ don legs par 'grub pa/ lo bcu tsam gyi bar du mdzad pa'i skabs nas/ sa mo phag gi dpyid sos bdag gi mkhan po rin po che sengge'i mtshan can gyi dgongs pa la/ da ni/ lo chen chos kyi rgyal po'i chos kyi rgyal srid khyad par can 'di| skyes bu chen po 'di kho na la gtad par 'os na/ 'di nyid dul ba dang des pa dang / dman pa'i sa 'dzin pa la dgyes pas/ rang dgar de'i gsol ba btab na/ phyogs gzhan du bzhud par lta bu'i rkyen du gyur na ni/ ma legs pa chen por 'gyur la/ 'on kyang bla ma'i bka' la gtso bor mdzad pa gcig 'dug pas| rang re'i tshig la yang dang len mdzad pa srid mod kyi/ de nas kyang shar tsong kha pa chen po'i bka' shog cig gdan drangs na ci nas kyang gsan par nges snyam du dgongs nas/ 'ug tshang mkhan chen/ tshul khrims dpal bzang pa don de la dbus phyogs su rdzong pa'i thugs thag gcad mtshams/ de bas kyang thabs mkhas kyi sgyu thabs mdzad na legs pa'i mtshan ma gzigs nas/ thog mar rje nyid bsnyung ba'i tshul cung zad bstan te/ bdag nyid chen po 'di byang chub gling na sku mtshams dam po la bzhugs pa'i drung du che sgros gsum rdzangs te/ nged na so yang song / khams kyang ma bde bas gdan sa pa gcig mi 'tshol kha med du song