[A:90]gda' ba/ thugs bzhed med pa la nan gyi zhu thabs ni med/ thugs khur gang dang gang ni da lta nyid nas bsnams kyi yod/ tha snyad btags tsam gcig mdzad pa tsam byung na thugs la btags par 'dug ces pa'i snyan gsan tshod lta tsam mdzad| de rjes/ tshogs su sku rim gyi chos spyod dbu mdzad la gdan drangs nas zhag shas lon mtshams/ gzhugs gdan gyi grwa nas blo med gros med du btegs te/ khri khar gdan drangs te/ rnyed pa dang bkur sti dang go 'phang gi tha snyad la mi dgyes pas/ khri kha nyid nas zhu 'bul mang du mdzad na'angpas bla ma'i bka' ma chog par zhal gyis bzhes/ chos kyi rgyal srid la dbang bskur/ lha dang bcas pa'i 'jig rten mtha' dag gis mnga' gsol/ de nas bzung ste/ lcags mo phag lo hor zla bcu gnyis pa la/ mkhan po rin po che zhi bar gshegs pa'i bar du gdan rim sbrags te mdzad cing / de nas sa mo lug lo zla ba bzhi pa'i tshes bzhi'i bar du/ rje nyid kyis mdzad nas/ spyir bstan pa dang sems can/ dgos chos 'khor sgang pa la btogsgtogs pa'i skya ser thams cad/ chos dang zang zing gi 'byor pas legs par bskyangs/ de yang tshar gcad rjes 'dzin gnyis kyi nang nas/ shin tu tshar gcad par 'os pa zhig la'ang / dge rtsa chad/ de tshug ma byed gsung pa kho na la gtso bor mdzad pa'i byams pa'i 'dul thabs kho na ma btogs/ tshar gcod drag po cung zad kyang mi mdzad pa'i skyong thabs kho nas 'phral gyi bde ba dang / phugs kyi phan pa la bkod pa mdzad do/ khyad par chos kyi 'byor pas bskyangs tshul ni/ mdo rgyud lam gyi gnad rnams ma lus pa/ /ji bzhin gzigs nas skyo