[A:95]pa'i mos gus gting tshugs pa nang du skyes pa'i stobs kyis dag snang khyad par can dang ldan pa la ni/ skyon yang yon tan du snang ba sogs srid la/ de lta bu'i mos gus dang dag snang med pa/ chos dang chos min 'byed par mi nus pa'i blun po log lta can la ni/ yon tan yang skyon du snang ba srid pas/ rje nyid kyi bka' drin las/ lam la zhugs pa'i skyes bu gsum gyi 'jug ldog blang dor bya ba'i gnas kyang shes pa bdag cag lta bus/ bla ma 'di'i sku gsung thugs kyi mdzad pa rnams/ theg chen thun mong dang thun mong ma yin pa'i gsung rab dang zhus dag byas pa'i tshe/ sku'i mdzad pa so sor thar pa gtso bor mdzad pa la/ tha na sgra ma byas pa'i dngos po 'dor ba tsam mam/ bla gos med par zhal zas bzhes pa tsam mam/ lag nya dang me reg sogs dngos su lta zhogagazhan la de dang de'i gsung rjen par byon nas byed du 'jug pa tsam mam/ rang dgar bsnyes pa dang 'phres pa'i tshul gyis gcims pa tsam yang ma mthong na/ sde lnga dang bzhis bsdus kyi ltung ba/ rang ming thon pa'i dngos gzhi la zhugs pa lta ga la zhig ste sku'i 'khrul pa dang bral ba nyid do/ /de bzhin du da lan gyi gsung 'di 'du shes phra mo cung zad bsgyur te gsung byung ngo snyam pa'am gdul bya 'ga' zhig 'dul ba'i dgos par gzigs te/ dran bzhin du thugs bskyed pa ma gtogs/ rang dgar thugs khros pa'i gsung tshig rtsub tu bgrang ba 'di gsung byung ngo snyam pa'am/ 'phral gyi dmag dang chom rkun gyi gtam la sogs pa rnams kyang nges 'byung dang skyo shas kyis kun nas slong ba ma btogsgtogs / nyon mongs can gyis bskyed pa'i ngag 'khyal du snang ba tsam yang ma mthong na/ gdul